«30 hadoŭ adna tema: kali ciapier sankcyi, to dla pieramohi patrebny dyjałoh, a kali ciapier dyjałoh, to patrebnyja sankcyi» — Śluńkin
Sakratar Kaardynacyjnaj rady Ivan Kraŭcoŭ apublikavaŭ rezanansny dopis, u jakim raskazvaŭ pra nieefiektyŭnaść stratehii kamandy Śviatłany Cichanoŭskaj. Jamu adkazaŭ u svaim instahramie Pavieł Śluńkin, były dypłamat i analityk Jeŭrapiejskaj rady pa mižnarodnych adnosinach.
Śluńkin zaŭvažaje, što dyskusii, jakuju sprabuje raspačać Kraŭcoŭ, nasamreč užo šmat hadoŭ:
«Biełaruskaja palityčnaja sansara — 30 hadoŭ spračacca pra toje, što ciapierašniaja stratehija baraćby nieefiektyŭnaja.
Try dziesiacihodździ raz za razam prychodziać novyja pakaleńni palitykaŭ, a temy ŭsio tyja ž: kali ciapier sankcyi, to dla pieramohi patrebny dyjałoh, a kali ciapier dyjałoh, to dla pieramohi patrebnyja sankcyi».
Nahadvaje aniekdot pra pryčosku, piša Śluńkin. Voś jak jon hučyć: kali vałasy doŭhija, to ich žyćciova nieabchodna pakaracić, kali karotkija — naraścić, kali ŭjucca — raspravić, a kali roŭnyja — zavić.
«Ščyra spačuvaju Valeru Karbaleviču, Juryju Drakachrustu, Alaksandru Kłaskoŭskamu i inšym staražyłam, jakija prachodziać praz hetyja iteracyi tudy-siudy ŭ roli palityčnych analitykaŭ», — adznačaje były dypłamat.
«Naša Niva» — bastyjon biełaruščyny
PADTRYMAĆ
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary