Stadyjon «Dynama» ładzić ramantyčnyja viačery na futbolnym poli pad zornym niebam
Niezvyčajny restaran pad adkrytym niebam źjavicca na futbolnym poli — heta ekskluziŭnaja prapanova ad minskaha restarana «Avińjon» i stadyjona. Abiacajuć žyvuju muzyku i ciopłyja pledy.
Stolik na dvaich kaštuje 390 rubloŭ. Čym ža płanujuć častavać? Pačnucca hastranamičnyja pryhody z sałaty z dyni, prašuta i macarełły ź inžyrnaj zapraŭkaj abo hreckaj sałaty sa smažanym łasosiem i avakada. U jakaści asnoŭnaj stravy na vybar prapanujuć ryzota ź biełymi hrybami, asarci hryl z ryb i morapraduktaŭ, a taksama jałavičnyja ščočki ŭ čyrvonym vinie ź piure ź sieldereju i bulby Aljumiet. Varyjanty zakusak — finiki, faršavanyja pastaj z syram Dorblu i hreckimi arechami, tuniec teryjaki z čuka sałataj i arechavaj padliŭkaj, časnočnyja krevietki, jałavičny jazyk ź viešankami. Minijaciurny desiert nazvali «Čorny kvadrat Maleviča». Zapivać heta ŭsio možna morsam ci «Tarchunom», ci navat kielicham ihrystaha.
Napisana, što viačera projdzie 1 vieraśnia, ale praduhledžana i reziervovaja data — 6 vieraśnia. Zabraniravać možna tolki da 30 žniŭnia.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary