Stała viadoma, kolki buduć kaštavać školnyja abiedy ŭ novym navučalnym hodzie
Hrašovyja normy pa charčavańni ŭ škołach u novym navučalnym hodzie nie źmieniacca, paviedamiła načalnik adździeła pa arhanizacyi charčavańnia Akademii adukacyi Lucyja Michalčuk.
Dla školnikaŭ 6-10 hadoŭ (1-4 kłasy), jakija siłkujucca adzin raz u dzień padčas vučoby, abied budzie kaštavać 2 rubli 29 kapiejek — 2 rubli 98 kapiejek. Košt zaležyć ad taho, kim pryhatavanyja stravy — školnymi kucharami abo inšymi arhanizacyjami: u druhim vypadku budzie daražej.
Dla školnikaŭ 11-18 hadoŭ (5-11 kłasy) adzin raz pierakusić u stałovaj abydziecca ad 2,70 rubloŭ da 3,51 rubloŭ.
Michalčuk adznačyła, što ŭ novym navučalnym hodzie charčavańniem buduć achopleny ŭsie 1 młn 70 tys. školnikaŭ. Bolšaja častka ź ich — kala 70% — zmohuć charčavacca biaspłatna, śćviardžaje čynoŭnica. Heta navučency sielskich škoł, z małazabiaśpiečanych i šmatdzietnych siemjaŭ, invalidy, «sopaŭcy», «čarnobylcy» i hetak dalej.
Admovicca ad haračaha charčavańnia ŭ škołach možna, dla hetaha pisać zajavy baćkam nie treba.
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary