Eks-dyrektar salihorskaha «Šachciora» atrymaŭ 6 hadoŭ kałonii, śpiecyjalist pa pracy z fanatami — 7 hadoŭ
Alaksandra Marčanku i Jaŭhiena Kułtajeva-małodšaha pryznali vinavatymi ŭ kradziažach.
Były dyrektar futbolnaha salihorskaha «Šachciora» Alaksandr Marčanka atrymaŭ šeść hadoŭ kałonii. Jaho pryznali vinavatym u kradziažy šlacham złoŭžyvańnia słužbovymi paŭnamoctvami, heta značyć pa artykule 210 KK.
Jaŭhien Kułtajeŭ-małodšy, jaki adkazvaŭ u kłubie za pracu z zaŭziatarami, asudžany da siami hadoŭ pazbaŭleńnia voli pa tym samym artykule.
Jak paviedamlajuć blizkija da siłavikoŭ kanały, rasijski hramadzianin Jaŭhien Kułtajeŭ-starejšy, jaki adkazvaŭ u «Šachciory» za tranśfiery, znachodzicca ŭ vyšuku. Adznačajecca, što jon źjechaŭ u Łatviju.
Kiraŭnikoŭ kłuba abvinavačvali ŭ machinacyjach z tranśfierami. Pavodle danych śledstva,
u červieni 2021 hoda ŭ FK «Šachcior» ź jeŭrapiejskich futbolnych kłubaŭ pierajšoŭ šerah spartsmienaŭ. Vykarystoŭvajučy źviestki ab nazvanych tranśfierach u supraćpraŭnych metach, abvinavačanyja ŭ žniŭni 2021 hoda skłali i padpisali damovy, jakija źmiaščajuć zahadzia niedakładnyja źviestki ab akazańni ahienckich pasłuh pa zabieśpiačeńni pierachodu futbalistaŭ u hety kłub.
U metach vykanańnia nazvanych fiktyŭnych damoŭ na padkantrolny adnamu z abvinavačanych bankaŭski rachunak ad futbolnaha kłuba było pieraličana bolš za 200 tysiač biełaruskich rubloŭ».
«Trybuna» raskazvała, što schiemu arhanizavaŭ rasijski ahient Jaŭhien Kułtajeŭ-starejšy. Jon aformiŭ IP na jurydyčnuju asobu, praź jakuju atrymaŭ adkat za adzin z tranśfieraŭ. Krynicy śćviardžali, što jahony syn Jaŭhien Kułtajeŭ-małodšy, jaki pracavaŭ u kłubie aficyjna, vystupaŭ u schiemie ŭ jakaści kurjera, adnak, miarkujučy pa ŭsim, staŭ krajnim.
Prablemy ŭ «Šachciora» pačalisia ŭ studzieni 2023 hoda. Tady kłub abvinavacili va ŭpłyvie na vyniki niekalkich matčaŭ u čempijonskim siezonie-2022, u tym liku šlacham podkupu. Tytuła kłub u vyniku pazbavili, taksama ŭ «Šachciora» adabrali 30 bałaŭ u minułym siezonie i 20 — u ciapierašnim. Adnak zatym vyśvietliłasia, što siłavikoŭ zacikavili i finansavyja apieracyi, jakija pravodziła kiraŭnictva kłuba i «šery kardynał» — Jaŭhien Kułtajeŭ-starejšy, jaki na łavu padsudnych nie trapiŭ.
Čamu apošni kiejs z dahavarniakami ŭ biełaruskim futbole — lutaja hańba
Čornaja buchhałteryja, nazapašanyja daŭhi, sumnieŭnyja tranśfiery. Jak pracujuć kałamutnyja schiemy ŭ salihorskim «Šachciory»
Salihorski «Šachcior» aštrafavali i adchilili ad jeŭrakubkaŭ
Vynieśli prysud byłomu spartyŭnamu dyrektaru «Šachciora». Jaho adpuścili ŭ zale suda
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary
A pra podkup i ŭździejańnie na vyniki - brachnia. Prosta čempijon nia toj, jaki car pažadaŭ. Zaatechnik i sioleta zrobić taho, kaho patrebna. Haradziencam i bahusłaŭcam - nie dryhacca! A Šachcior pa sutnaści ŭžo zabili.