Viadučaja Lucyja Hieraščanka adkazała, ci vierniecca na TB
Lucyja Hieraščanka (mnohija pamiatajuć jaje jak Lusiu Łuščyk) była adnoj z samych paznavalnych viadučych biełaruskaha TB. Ale ŭžo niekalki hadoŭ jana nie vychodzić u efir.
U instahramie Lucyja napisała, što jaje časta pytajucca, ci jana budzie viartacca na TB.
«Mahčyma, ale tolki ŭ jakaści śpikiera i ekśpierta, — adkazvaje jana. — Ja hatovaja sustrakacca i havaryć ź lubym žurnalistam i ŭdzielničać u roznych prajektach, ale nie hatovaja pryśviačać hetamu ŭsio žyćcio.
Kazać pra svaje dumki, pra maciarynstva, pra johu, pra pryhažość i žanockaść. Ja pa-raniejšamu lublu vieści kancerty i prahramy, i rablu heta vydatna, ale heta adymaje zanadta šmat času. Ciapier u mianie inšyja pryjarytety, ja realna kajfuju ad svajho siamiejnaha žyćcia, johi, maciarynstva, padarožžaŭ. Źjaviłasia stolki sensaŭ. I ja, akazvajecca, stolki prapuściła pakul karjeraj zajmałasia».
Lucyja piša, što apošnim časam admaŭlała ŭ intervju roznym jutub-prajektam, bo nie było sił na heta.
Paśla naradžeńnia syna letam 2020 hoda Lucyja Hieraščanka zahłybiłasia ŭ siamju (jaje muž — biznesoviec Andrej Hieraščanka), zachapiłasia vyvučeńniem Viedaŭ i miedytacyjami. Teledziva viadzie zaniatki pa jozie tvaru.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary