U rasparadžeńni słužby navin Łatvijskaha telebačańnia (LTV) akazalisia fatahrafii abłomkaŭ rasijskaha bajavoha drona Shahed, jaki ŭpaŭ u Rezieknienskim krai na ŭschodzie krainy i, mierkavana, prylacieŭ ź Biełarusi.
Bieśpiłotnik byŭ abstalavany vybuchoŭkaj i naležaŭ da typu dronaŭ Shahed, piša Delfi.lv.
Paśla padzieńnia dron byŭ abiasškodžany śpiecyjalistami, i zaraz pravodzicca jaho analiz. Bajavaja častka drona pry padzieńni nie vybuchnuła.
Latvijas Televīzijas Ziņu dienesta rīcībā nonākuši pāris attēli, kuros redzamas Rēzeknes novadā nokritušā Krievijas kaujas drona "Shahed" atlūzas. pic.twitter.com/oGBoGJQHE0
— LTV Panorāma (@ltvpanorama) September 10, 2024
Atrymanaja infarmacyja pakazvaje, što praniknieńnie drona ŭ Łatviju nie razhladajecca jak vidavočnaja vajennaja eskałacyja suprać krainy, i metaj drona nie była Łatvija. Nacyjanalnyja siły abarony Łatvii sačyli za situacyjaj u supracoŭnictvie z partniorami pa NATA.
Kamandujučy NVS Leanid Kałnyńš rastłumačyŭ, što prykmiet adkrytaj eskałacyi zaŭvažanaja nie była, a situacyja kantralavałasia z samaha pačatku, — zadoŭha da taho, jak dron byŭ znojdzieny na miescy padzieńnia.
Kałnyńš nie staŭ kamientavać, jakuju kolkaść vybuchoŭki ŭtrymlivaŭ dron i jakija mahli b być nastupstvy, kali b jon upaŭ na žyły dom.
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać13
Kamientary
"praniknieńnie drona ŭ Łatviju nie razhladajecca jak vidavočnaja vajennaja eskałacyja suprać krainy".