Kiraŭnik Ofisa prezidenta Ukrainy nazvaŭ jadziernym šantažom anansavanyja źmieny ŭ jadziernuju daktrynu Rasii
Kiraŭnik Ofisa prezidenta Ukrainy Andrej Jarmak nazvaŭ jadziernym šantažom i zapałochvańniem prapanovu Uładzimir Pucina źmianić padychody da prymianieńnia jadziernych sił Rasii.
«Akramia jadziernaha šantažu, u RF bolš niama ničoha, nijakich inšych instrumientaŭ zapałochvańnia śvietu. Hetyja instrumienty nie spracujuć», — napisaŭ Jarmak u telehramie.
Daradca kiraŭnika Ofisa prezidenta Michaił Padalak nazvaŭ zajavy Pucina «reputacyjnym dnom».
«Čałaviek pačynaje trochdzionnuju «śpiecyjalnuju vajennuju apieracyju», a siońnia rukami, što kałociacca, ź lista papiery začytvaje nastupnaje: hladzicie, kali my budziem pravakavać kanviencyjnaj zbrojaj hetuju vajnu, to my budziem vykarystoŭvać suprać niajadziernaj dziaržavy jadziernuju zbroju. Nu heta absalutna reputacyjnaje dno», — skazaŭ Padalak.
Pa jaho słovach, ułady Rasii nie razumiejuć, jak spynić vajnu: «Vidavočna, što Rasijskaja Fiederacyja nie razumieje, jak spynić toje, što dalej budzie praciahvacca ŭ hetaj vajnie».
Uładzimir Pucin 25 vieraśnia pravioŭ naradu Savieta biaśpieki Rasii pa jadziernym strymlivańni, na jakoj prapanavaŭ źmianić padychody da prymianieńnia jadziernych sił krainy.
U pryvatnaści, jon zajaviŭ, što RF budzie razhladać mahčymaść prymianieńnia jadziernaj zbroi ŭ vypadku napadaŭ bieśpiłotnikaŭ, samalotaŭ i inšych latalnych aparataŭ, a taksama što Rasija pakidaje za saboj prava ŭžyć jadziernuju zbroju ŭ vypadku ahresii ŭ dačynieńni da Biełarusi.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary