U Biełarusi zaviaršajecca padrychtoŭka pravavoj bazy dla zapusku kryptabankaŭ. Heta pytańnie stała adnoj z hałoŭnych tem pasiadžeńnia Nahladalnaj rady Parka vysokich technałohij, jakoje pravioŭ premjer-ministr Alaksandr Turčyn, piša BiełTA.
Pa słovach Alaksandra Turčyna, litaralna praź niekalki dzion, z 1 lipienia, nabuduć moc pałažeńni ŭkaza ab kryptabankach. U suviazi z hetym Nahladalny saviet razhladaje prajekty dakumientaŭ, jakija vyznačajuć patrabavańni da ŭnutranaha kantrolu, a taksama da kampanij, što płanujuć atrymać status kryptabanka, i ich biznes-prajektaŭ.
Pieršy namieśnik načalnika sakrataryjata Nahladalnaj rady PVT Dźmitryj Kalečyc paviedamiŭ, što ciapier aktyŭna farmirujecca pravavoje pole dla dziejnaści kryptabankaŭ. Asablivaja ŭvaha nadajecca miechanizmam supraćdziejańnia lehalizacyi dachodaŭ, atrymanych złačynnym šlacham, i finansavańniu niezakonnaj dziejnaści.
Akramia taho, u jurysdykcyi PVT źjavicca novy vid dziejnaści — KYT-pravajdary (Know Your Transaction, «Viedaj svaju tranzakcyju»). Ich zadača — analizavać kryptavalutnyja apieracyi i pavyšać biaśpieku finansavych servisaŭ u adpaviednaści ź mižnarodnymi standartami ŭ śfiery baraćby z admyvańniem hrošaj.
Pa słovach Kalečyca, kryptabanki zmohuć ažyćciaŭlać šyroki śpiektr finansavych apieracyj, u tym liku źviazanych sa źniešnieekanamičnaj dziejnaściu. Taksama čakajecca raźvićcio biełaruskich technałahičnych rašeńniaŭ u śfiery kantrolu i analizu kryptavalutnych tranzakcyj.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary