84‑hadovy mužčyna, što zhubiŭsia tydzień tamu u lesie la Hrodna, znajšoŭsia
«Tata znajšoŭsia! Žyvy! Pakul nie viedaju padrabiaznaściaŭ!», — napisała dźvie hadziny tamu ŭ fejsbuku jaho dačka Viktoryja Fabišeŭskaja.
84‑hadovy Anatol Vołkaŭ 22 červienia pajšoŭ u les pa hryby kala ahraharadka Parečča ŭ Hrodzienskim rajonie, i paśla taho nie viarnuŭsia. Ale jašče try dni tamu ź im była suviaź.
Učora jaho dačka Viktoryja Fabišeŭskaja, jakaja ciapier žyvie ŭ vymušanaj emihracyi ŭ Polščy, napisała ŭ fejbuku adčajny post:
«Hrodna, kali łaska, dapamažycie! Moj tata zabłukaŭ u lesie. Patrebnyja vałanciory, hatovyja dałučycca da pošuku. Baćka ŭ lesie ŭžo 7 dzion. Apošni raz jon vychodziŭ na suviaź nočču na piatnicu. Trymaŭsia dobra. Skazaŭ, što robić zaradku. Siońnia viečaram pošuk spynieny. I jość vierahodnaść, što praciahnuty nie budzie. Nie chapaje ludziej. Ja vieru, što tata žyvy. Jon mocny i tryvały, niahledziačy na ŭzrost. Kab nie haračynia, ja b uvohule nie sumniavałasia, što ŭsio budzie dobra», pisała jana ŭčora.
Kamientary
Ludi tratiat dieńhi,vriemia ,čtob potom najti etich niemoŝnych.