Cichanoŭskaja abmierkavała z namieśnikam dziaržsakratara ZŠA zakryćcio łaziejek u sankcyjach
Padčas tydnia vysokaha ŭzroŭniu Hienasamblei AAN namieśnik dziaržsakratara ZŠA Kurt Kempbeł aficyjna pryniaŭ biełaruskuju lidarku ŭ Vašynhtonie, paviedamlaje jaje pres-słužba.
Fota: OSC
Padčas sustrečy baki abmierkavali:
- Šlachi vyzvaleńnia palityčnych źniavolenych u Biełarusi, u tym liku tych, chto znachodzicca ŭ humanitarnym śpisie;
- Padtrymku represavanych, hramadzianskaj supolnaści i niezaležnych miedyja, u tym liku finansavuju;
- Padtrymku inicyjatyvaŭ pa ŭmacavańni biełaruskaj nacyjanalnaj identyčnaści;
- Praciah Stratehičnaha dyjałohu pamiž ZŠA i demakratyčnaj Biełaruśsiu;
- Pahrozu ŭciahvańnia Biełarusi ŭ vajnu;
- Zakryćcio ščylinaŭ u sankcyjach;
- Pryciahnieńnie vinavatych u represijach da adkaznaści;
- Ustalavańnie palityčnych i dypłamatyčnych kantaktaŭ z trecimi krainami i mižnarodnymi arhanizacyjami.
«Heta była praktyčnaja sustreča. U pieršuju čarhu my abmierkavali kroki pa vyzvaleńni palitviaźniaŭ i spynieńni represijaŭ. Ja radaja, što našaje bačańnie situacyi supadaje, i što dla ZŠA hetaje pytańnie zastajecca pryjarytetam. Taksama važna, što idei i prajekty, jakija my abmiarkoŭvali ŭ miežach Stratehičnaha dyjałohu, pačynajuć realizoŭvacca. Dziakuju ZŠA za paśladoŭnuju pazicyju, salidarnaść i padtrymku», — skazała Śviatłana Cichanoŭskaja.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary