U Mahiloŭskaj vobłaści mužčyna spahnaŭ alimienty ź dźviuch svaich dačok
Mužčyna ź invalidnaściu i maje patrebu ŭ pastajannym dohladzie.
U Drybinskim rajonie mužčyna ź invalidnaściu spahnaŭ praz sud alimienty sa svaich dźviuch darosłych dačok. Padrabiaznaści raspaviali ŭ prakuratury.
Mužčyna 68 hadoŭ ź invalidnaściu I stupieni maje patrebu ŭ pastajannym dohladzie. Jaho źmiaścili ŭ adździaleńnie kruhłasutačnaha znachodžańnia na ŭmovach poŭnaj apłaty. Pry hetym damovu na płatnaje akazańnie sacyjalnych pasłuh nichto z asob, pa zakonie abaviazanych jaho ŭtrymlivać, nie zaklučyŭ.
Da piensii mužčyna aficyjna pracavaŭ, ale pamier piensii nie dazvalaŭ apłačvać sacyjalnyja pasłuhi ŭ poŭnym abjomie. Inšych krynic dachodu ŭ jaho nie było, adznačajuć u prakuratury. Mužčyna mieŭ patrebu ŭ materyjalnaj dapamozie svaich dziaciej, jakaja składała 1,8 bazavaj štomiesiac (ciapier ekvivalentna 72 rub).
U piensijaniera jość dźvie paŭnaletnija i pracazdolnyja dački, jakija žyvuć u Biełarusi, u dačynieńni da ich jon nie byŭ pazbaŭleny baćkoŭskich pravoŭ i raniej vypłačvaŭ alimienty na ich utrymańnie. Dački admovilisia dobraachvotna ŭtrymlivać niepracazdolnaha i jaki žyvie ŭ niastačy ŭ dapamozie baćki.
— Zhodna z artykułam 100 Kodeksa Respubliki Biełaruś ab šlubie i siamji dzieci abaviazany kłapacicca pra baćkoŭ i akazvać im dapamohu. Utrymańnie niepracazdolnych, jakija majuć patrebu ŭ dapamozie baćkoŭ źjaŭlajecca abaviazkam ich paŭnaletnich pracazdolnych dziaciej, — nahadvajuć u prakuratury.
Pa artykule 102 hetaha Kodeksa pamier alimientaŭ, jakija spahaniajucca z kožnaha ź dziaciej na ŭtrymańnie niepracazdolnych baćkoŭ, što majuć patrebu ŭ dapamozie, vyznačajecca sudom zychodziačy z materyjalnaha i siamiejnaha stanovišča baćkoŭ i kožnaha ź dziaciej.
Sud vyrašyŭ: spahnać alimienty ŭ pamiery pa 0,9 bazavaj vieličyni štomiesiac z kožnaj z dačok. Rašeńnie ŭ zakonnuju siłu nie ŭstupiła, moža być abskardžana i apratestavana.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary