Huceryjeŭ chacieŭ zdać Łukašenku i Pucina amierykancam. U abmien na źniaćcie sankcyj
Daŭni siabar Łukašenki rasijski miljarder Michaił Huceryjeŭ vioŭ tajemnyja pieramovy z amierykanskim FBR i češskimi śpiecsłužbami i prapanoŭvaŭ im sakrety Łukašenki i Pucina ŭ abmien na źniaćcie ź siabie zachodnich sankcyj, daviedalisia češskija ŚMI. Dapamahaŭ u hetym Huceryjevu supracoŭnik elitnaha češskaha padraździaleńnia pa baraćbie z arhanizavanaj złačynnaściu, uradženiec Hruzii.
Češskija vydańni Denik N i Respekt sa spasyłkaj na zakrytyja dakumienty češskaj palicyi i śpiecsłužb vyśvietlili, što rasijski miljarder Michaił Huceryjeŭ u 2022 hodzie sprabavaŭ pradać sakrety Łukašenki i Pucina Fiederalnamu biuro rasśledavańniaŭ (FBR) ZŠA ŭ abmien na źniaćcie zachodnich sankcyj ź siabie i svajho biznesu.
Pasiarednikam u tajemnych pieramovach vystupali češskija śpiecsłužby i dvajny ahient z Hruzii, jaki ŭładkavaŭsia ŭ Nacyjanalny centr pa baraćbie z arhanizavanaj złačynnaściu ŭ Prazie (NCOZ) i ciapier znachodzicca pad śledstvam.
Jak paviedamlajuć češskija vydańni, śpiecsłužbist z Hruzii (nazyvajucca tolki jahonyja inicyjały — Ł. H.) dapamoh Huceryjevu dvojčy sustrecca z pradstaŭnikami FBR paśla pačatku rasijskaha ŭvarvańnia va Ukrainu. Miljarder prapanoŭvaŭ amierykancam infarmacyju ab płanach Uładzimira Pucina i Alaksandra Łukašenki i prasiŭ u adkaz źniać ź jaho zachodnija sankcyi. Ździełka ŭ vyniku nie adbyłasia i sankcyi ź miljardera tak i nie źniali.
Rasijski aliharch Michaił Huceryjeŭ 21 červienia 2021 hoda trapiŭ pad sankcyi ES suprać Biełarusi, uviedzienyja ŭ tym liku ŭ suviazi z vymušanaj pasadkaj rejsu Ryanair u Minsku, na jakim lacieŭ Raman Pratasievič. Rada ES patłumačyła ŭviadzieńnie sankcyj suprać rasijskaha biznesmiena tym, što jon daŭni siabar Łukašenki i dziakujučy hetamu maje ŭpłyŭ na palityčnyja elity Biełarusi.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary