50-hadovaha žychara Minskaha rajona prysudzili da piaci hadoŭ kałonii za danaty pravaabarončym inicyjatyvam i palitviaźniam
U Minskaj vobłaści da piaci hadoŭ kałonii ŭzmocnienaha režymu prysudzili 50-hadovaha mužčynu, jakoha abvinavacili ŭ finansavańni «ekstremisckaj» dziejnaści (č. 1 i č. 2 artykuła 361-2 KK) i sadziejničańnie «ekstremisckaj» dziejnaści (Častka 1 i častka 2 artykuła 361-4 KK), piša «Miedyjazona».
Pavodle źviestak prakuratury, mužčyna sa studzienia 2021 hoda pa žnivień 2022 hoda zrabiŭ šeść pieravodaŭ «ekstremisckim farmavańniam» «Biełaruskaja rada kultury», «Kraina dla žyćcia» i Dissidentby, na sumu ŭ 1,3 tysiačy rubloŭ.
Taksama jon akazaŭ sadziejničańnie dziejnaści «ekstremisckich farmavańniaŭ» Dissidentby i «Pravaabarončy centr «Viasna», zrabiŭšy 26 hrašovych pieravodaŭ na sumu nie mienš za 500 rubloŭ na adras 24 asob, jakija adbyvali pakarańnie za «ździajśnieńnie złačynstvaŭ «ekstremisckaj» nakiravanaści».
Akramia piaci hadoŭ pazbaŭleńnia voli ŭ kałonii ŭzmocnienaha režymu, mužčynu prysudzili da štrafu 500 bazavych vieličyń (20 tysiač rubloŭ). Jaho mabilnyja telefony kanfiskavali.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje19
Kamientary