«Bolš, čym prosta vybar». Charys vystupiła z klučavoj pramovaj za tydzień da hałasavańnia
Vice-prezidentka i kandydatka ŭ prezidenty ZŠA Kamała Charrys źviarnułasia da šmattysiačnaha natoŭpu ŭ Vašynhtonie sa svajoj zaklučnaj vialikaj pramovaj napiaredadni vybaraŭ, jakija projduć roŭna praz tydzień, piša Bi-bi-si.
«Dobry viečar, Amieryka! — skazała jana ŭ pačatku vystupleńnia. — Praz tydzień u vas budzie mahčymaść pryniać rašeńnie, jakoje niepasredna paŭpłyvaje na vašaje žyćcio, žyćcio vašych siemjaŭ i budučyniu hetaj krainy, jakuju my lubim».
Pavodle jaje słoŭ, budučyja vybary — heta «bolš za prosta vybar pamiž dźviuma partyjami i dvuma roznymi kandydatami».
«Heta vybar pra toje, ci budzie ŭ nas kraina, zasnavanaja na svabodzie dla kožnaha amierykanca, abo budzie kiravacca chaosam i razładam, — dadała Charrys. — Pryjšoŭ čas dla novaha pakaleńnia amierykanskich lidaraŭ».
Miesca praviadzieńnia mitynhu było vybrana nievypadkova — jano znachodzicca pobač ź Biełym domam i viadomaje jak park Ellips. Tam 6 studzienia 2021 hoda jaje supiernik na vybarach, respublikaniec Donald Tramp, vystupaŭ pierad svaimi prychilnikami pierad tym, jak niekatoryja ź ich rušyli šturmavać Kapitolij.
Pavodle słoŭ Charrys, Tramp «stajaŭ na hetym samym miescy amal čatyry hady tamu i nakiravaŭ uzbrojeny natoŭp da Kapitolija, kab adchilić volu naroda na svabodnych i sumlennych vybarach, viedajučy, što jon prajhraŭ ich».
«Heta čałaviek niestabilny, apantany pomstaj, achopleny kryŭdaj i prahny da nieabmiežavanaj ułady», — dadała jana. Pavodle acenak štaba Charrys, na mitynhu sabrałasia bolš za 75 tysiač čałaviek.
Pakul Charys vystupała ŭ Vašynhtonie, Donald Tramp pravodziŭ pieradvybarčy mitynh u horadzie Alentan u Piensilvanii — adnym z klučavych vahalnych štataŭ, u jakich budzie vyrašacca zychod prezidenckich vybaraŭ.
«Ci žyviacie vy ciapier lepš, čym čatyry hady tamu?» — pačaŭ svajo vystupleńnie były prezident, paŭtaryŭšy svaje abiacańni źnizić inflacyju i «spynić uvarvańnie» mihrantaŭ u ZŠA, kali jon vierniecca ŭ Bieły dom. Natoŭp zahudzieŭ «nie».
«Kamała nas zhańbiła, — zajaviŭ jon. — U nastupny aŭtorak vy pavinny ŭstać i skazać Kamale, što z vas chopić, što bolš vy hetaha ciarpieć nie źbirajeciesia».
Tramp užo pravioŭ maštabny mitynh u minułuju niadzielu — jon vystupiŭ na znakamitaj arenie Miedysan-skvier-harden u samym centry Manchetena, kudy jaho pryjšoŭ padtrymać miljarder Iłon Mask i inšyja znakamitaści.
Nie abyšłosia biez skandału — padčas vystupleńnia na mierapryjemstvie komik Toni Chinčklif nazvaŭ Puerta-Ryka «płyvučym vostravam śmiećcia», čym vyklikaŭ krytyku z boku respublikancaŭ i demakrataŭ.
Kamientary
Nasamreč tam było našmat kruciej. Bolšaść ŚMI ścipła napisali, što Chinčklif zaŭvažyŭ, što łacinasy "lubiać rabić dzietak" (Latinos "loved making babies"). Zusim niašmatlikija advažylisia pieradrukavać abscenny praciah jahonaha rasisckaha žartu całkam: they don't pull out and c*m inside, just like they did to our country
Jašče Chinčklif vydaŭ "iaskravy" žart pra rezku kavunoŭ z čarnaskurym siabram, małazrazumieły dla biełaruskaj aŭdytoryi. Jon tyčycca rasisckaha ździeka nad raŭnavańniem pravoŭ afraamierykancaŭ paśla praciahłaha terminu rasavaj dyskryminacyi ŭ ZŠA, jaki źjaŭlajecca vielmi abraźlivym i kryŭdnym dla afraamierykanskaj aŭdytoryi.
Ale hałoŭnym stała toje, što prysutny pad čas hetaha varjatctva Tramp nijakim čynam nie asudziŭ słovy Chinčklifa ni adrazu, ni navat dahetul. Niešta padobnaje adbyłosia na pieradvybarčym mitynhu Džona MakKiejna, kali tyj zmahaŭsia za prezidencki fatel suprać Abamy, ale Makkiejn adreahavaŭ na aburalnyja vykazvańni adnaho sa śpikieraŭ nieadkładna, adekvatna i hodna - jon adrazu ž vyjšaŭ na trybunu i rezka asudziŭ padobnyja vykazvańni.