Byłoha palitviaźnia z Baranavičaŭ sudziać sa žniŭnia — jamu pahražaje da 12 hadoŭ kałonii
U Bresckim abłasnym sudzie z 13 žniŭnia idzie sud nad 38-hadovym Vitalom Koršunam, piša «Viasna».
Upieršyniu jaho sudzili ŭ vieraśni 2021-ha za kamientar pra toje, što «treba šukać adras niejkaha amapaŭca». Pa viersii samoha amapaŭca, Siarhieja Bałabanoviča, paśla hetaha dopisu jon vielmi spałochaŭsia, choć Koršun chutka jaho vydaliŭ. U vyniku pradprymalniku pryznačyli dva miesiacy aryštu.
Nastupny raz Vitala zatrymali ŭ studzieni 2024 hoda. Ciapier jamu stavicca ŭ vinu ažno piać artykułaŭ: «paklop na Łukašenku» (č. 2 art. 367 KK), «udzieł u dziejańniach, jakija hruba parušajuć hramadski paradak» (č. 1 art. 342 KK), «arhanizacyja masavych biesparadkaŭ» (č. 1 art. 293 KK), «zakliki da sankcyjaŭ» (č. 3 art. 361) i «raspalvańnie varožaści abo varažniečy» (č. 1 art. 130 KK).
Pry zatrymańni na «pakajalnym videa» mužčyna kazaŭ, što «zaklikaŭ učyniać hvałt nad supracoŭnikami AMAPa, prosta na emocyjach».
Jaho spravu razhladaje Śviatłana Kramianieŭskaja.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak5
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Čałaviek jak minimum try miesiacy znachodzicca pad vartaj, jaho sudziać łukašysty za palityku pa piaci artykułach. Jamu pahražaje da 12 hadoŭ kałonii
I pry hetym jon "były palitviazień".