Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?
Na minułym tydni ŭpieršyniu za niekalki hadoŭ była sklikana Rada pa raźvićci pradprymalnictva. Tudy zaprasili ŭłaśnikaŭ i mieniedžaraŭ značnych ajčynnych kampanij, a taksama kampanij z zachodnim kapitałam, jakija pracujuć u Biełarusi. Staršynstvavaŭ vice-premjer Mikałaj Snapkoŭ. Jak stała viadoma «Našaj Nivie», padčas schodu adbyŭsia zabaŭny epizod.
U čaćvier, 31 kastryčnika, upieršyniu za try hady była sklikana Rada pa raźvićci pradprymalnictva. Na jaje, paviedamlaje BiełTA, zaprasili pad sotniu pradstaŭnikoŭ miascovaha biznesu, u tym liku z zamiežnym kapitałam.
Sustreču vioŭ pieršy vice-premjer Mikałaj Snapkoŭ. Hałoŭnaje, što na joj prahučała, heta abiacańnie z boku ŭładaŭ ci admianić, ci prynamsi vidaźmianić pastanovu №713 ab rehulavańni nacenki, jakaja abmiažoŭvaje biznes.
«Ciapier pastaŭlena zadača pastanovu №713 jak instytut admianić, ale zamiest jaho dać inšuju sistemu praviłaŭ, pryncypaŭ farmiravańnia spraviadlivaj cany […]», — skazaŭ Snapkoŭ.
Paŭdzielničać u farmiravańni hetaj novaj sistemy Snapkoŭ i prapanavaŭ prysutnym, užyŭšy taksama takoje słova jak «debiurakratyzacyja».
Jak stała viadoma «Našaj Nivie», nialohkuju, napružanuju dyskusiju razradziŭ adzin z udzielnikaŭ, prapanavaŭšy prysutnym dla lepšaha efiektu dałučycca da fłešmoba: uklučyć videakamieru dy choram harknuć u jaje «Nado!».
Niajasna, ci toje zrabiŭ pravakatar, kab pahladzieć na reakcyju zały, ci to heta taki trolinh.
Hetuju historyju paćvierdziŭ jašče adzin surazmoŭca, čyj pramy načalnik prysutničaŭ na naradzie.
«Takoje sapraŭdy było, ale kali my ŭnutry abmiarkoŭvali padzieju, to byli bolš važnyja dla zasiarodžvańnia momanty. Tak što takija drobiazi nichto nie pierapytvaŭ, prosta pramilhnuła jak aniekdot. Ale fakt, što videa nie źjaviłasia, zdymacca nie stali», — dadaŭ inšy mieniedžar.
Kryčać pracoŭnymi kalektyvami i vajskovymi čaściami «Nado!» na kamieru, a paśla vykładać heta ŭ internet — novy kreatyŭ prapahandy, jakaja takim čynam stvaraje ŭražańnie masavaj padtrymki Alaksandra Łukašenki. Toj zajaviŭ, što jon byccam by pojdzie na novy termin tolki ŭ tym vypadku, kali «ludzi skažuć jamu «treba». Nasamreč, vynik vybaraŭ užo pradvyznačany.
Ciapier čytajuć
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary