«Vyrašyli prydumać niešta novaje». U Homieli bytavuju chimiju pradajuć na raźliŭ z aŭtamataŭ
Žychary Homiela raskazvajuć pra navinku: nie tak daŭno ŭ horadzie stali źjaŭlacca aŭtamaty pa raźlivu bytavoj chimii. Ale staŭleńnie da ich pakul naściarožanaje, piša «Anłajnier».
«U nas u kramie pastavili taki prybor, ale ja bajusia da jaho padychodzić», — napisała čytačka i paprasiła vyśvietlić, što mienavita zalivajuć u takija aŭtamaty.
Akazvajecca, ciapier naciskańniem knopki ŭ viendynhavym aparacie možna kuplać bytavuju chimiju i kaśmietyku, choć pakul što tolki ŭ Homieli. Na vybar prapanujecca piać pazicyj: myła dla ruk, krem-hiel dla duša, hiel dla myćcia posudu, hiel dla myćcia i kandycyjanier dla bializny.
Aŭtary prajekta zapeŭnivajuć, što heta była ich ułasnaja ideja — anałahičnych aparataŭ jany nidzie nie bačyli.
«My chacieli viendynhavy biznes i razhladali roznyja varyjanty, — raskazvaje dyrektar sietki Alaksandr. — Kavavych aparataŭ užo zanadta šmat, i ŭsie dobryja miescy zaniatyja. Voś i vyrašyli prydumać niešta novaje, čaho ŭ nas jašče nie było raniej».
Hod tamu pradprymalniki kupili adzin «pusty» aparat — uciaplili jaho, pastavili prystasavańnie dla raźlivu bytavoj chimii, dadali kupiurapryjomnik, manietapryjomnik i terminał dla apłaty kartaj. Testavaja viersija zaśviedčyła siabie vydatna, tamu vyrašana było rasstavić pa horadzie jašče 20 takich aparataŭ. Ich ustalavali 4 miesiacy tamu.
Što ŭsiaredzinie aŭtamataŭ? Alaksandr kaža, što pieršapačatkova sprabavali niekalki vytvorcaŭ bytavoj chimii: nie padychodziła albo kansistencyja, albo asartymient, albo košt. U vyniku spynilisia na rasijskim brendzie «Karaleva jabłyń».
Raźlivajuć bytavuju chimiju pa zvyčajnych płastykavych butelkach. Košt vyznačyli adnolkavy dla ŭsich srodkaŭ — 4 rubli za litr.
«Takoj cany dasiahajem za košt aptovych pastavak — zakazvajem adrazu bolš za dziesiatak jeŭrakubaŭ, nie płacim za taru, bo jana zvarotnaja (adpraŭlajem pustuju taru — atrymlivajem poŭnuju). Za košt hetaha majem dadatkovuju źnižku i canu pavyšać pakul nie płanujem».
Pa słovach Alaksandra, popyt na pradukcyju z aŭtamataŭ raście ź miesiaca ŭ miesiac. Kampanija hatovaja pastaŭlać padobnyja viendynhavyja aparaty i ŭ inšyja rehijony.
«Za niekalki miesiacaŭ užo pradali bolš za 30 000 litraŭ bytavoj chimii. Zaraz my viadziem niekalki dyjałohaŭ z patencyjnymi partniorami z roznych haradoŭ Biełarusi, u tym liku ź Minska, a taksama z Rasii».
Treba adznačyć, što bytavaja chimija ad brenda «Karaleva jabłyń» pradajecca ŭ vialikich abjomach i ŭ zvyčajnych kramach, u tym liku na markietpłejsach. Naprykład, 5-litrovuju kanistru srodku dla myćcia posudu možna kupić za 29,39 rubla. Atrymlivajecca 5,8 rubla za litr — nie našmat daražej, čym u aŭtamacie. Ale, mahčyma, sam sposab pakupki praź viendynhavy aparat kamuści padajecca bolš cikavym, čym zvyčajnaja dastaŭka.
Pielmieni, pica, paŭerbanki… Jakija handlovyja aŭtamaty siońnia pracujuć u Minsku, a jakija abiacali, dy tak i nie pastavili?
Chłopčyk vyjhraŭ u viendynhavym aparacie IPhone, a atrymaŭ ćviłuju šakaładku. Ci možna tak vieści hety biznes?
Pytańnie z abiacanym iPhone u viendynhavym aparacie, zamiest jakoha dali ćviłuju šakaładku, vyrašyłasia kampramisna
«Kapiec. Stydoba!» Tyktok parvała videa žančyn kala kavavaha aŭtamata ŭ Baranavičach
Ciapier čytajuć
Łukašenku pasadzili na Paradzie ŭ Maskvie z Pašynianam, a Si Czińpina z Pucinym24
Łukašenku pasadzili na Paradzie ŭ Maskvie z Pašynianam, a Si Czińpina z Pucinym
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary
Vy jak nia ŭ Polščy žyviecie... adsotki ličycie! 30% ža! Norm akcyja. Chimija kanieš hetaja rasiejskaja łajno, ale toje inšaja sprava.