«U nas jość kantakty z atačeńniem Donalda Trampa i pradstaŭnikami Respublikanskaj partyi», — paviedamlaje pres-słužba Śviatłany Cichanoŭskaj.
Śviatłana Cichanoŭskaja pavinšavała Donalda Trampa i patłumačyła, što vyniki vybaraŭ značać dla biełarusaŭ i Biełarusi.
«Ja vinšuju Donalda Trampa z upeŭnienaj pieramohaj na vybarach prezidenta ZŠA, a Respublikanskuju partyju — u Sienacie ZŠA. Heta było sapraŭdnaje śviata demakratyi, i amierykanski narod zrabiŭ svoj vybar», — havorycca ŭ vinšavańni.
«My budziem pracavać z novaj administracyjaj, praciahvać i ŭmacoŭvać našyja adnosiny. Biezumoŭna, u nas jość kantakty z atačeńniem Donalda Trampa i pradstaŭnikami Respublikanskaj partyi. Tema Biełarusi abjadnoŭvaje roznych palitykaŭ u ZŠA, niezaležna ad ich partyjnaj prynaležnaści», — kaža Śviatłana Cichanoŭskaja i raźličvaje, što palityka ZŠA adnosna Biełarusi zastaniecca raniejšaj.
«My raźličvajem, što palityka ŭ dačynieńni da Biełarusi budzie rašučaj, paśladoŭnaj, i pryncypovaj. Biełaruś pavinna zastavacca na mižnarodnym paradku dnia. I amierykanskaje lidarstva hraje ŭ hetym nadzvyčaj važnuju rolu.
My čakajem, što supracoŭnictva pamiž demakratyčnymi siłami Biełarusi i ZŠA praciahniecca, u tym liku ŭ miežach Stratehičnaha dyjałohu. ZŠA byli, jość i buduć našymi sajuźnikami ŭ baraćbie za demakratyčnuju, niezaležnuju i mirnuju Biełaruś», — adznačyła Śviatłana Cichanoŭskaja.
Tramp pieramahaje sa značnym adryvam, biare ŭsie chistkija štaty
Donald Tramp abviaściŭ svaju pieramohu na vybarach
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?
Uładzimir Zialenski pavinšavaŭ Donalda Trampa ź pieramohaj na vybarach prezidenta ZŠA
Ciapier čytajuć
Minski haradski sud nie vytrymlivaje nahruzki — nie paśpiavajuć sudzić palitviaźniaŭ5
Kamientary