Rasijskija čynoŭniki pachvalili nastaŭnikaŭ, jakija na zahad biełarusa nadzieli šapački z folhi
Na dumku ministerstva adukacyi Varoniežskaj vobłaści, šlemy z folhi dla abarony ad NATA vyhladali vielmi pierakanaŭča.
Ministerstva adukacyi Varoniežskaj vobłaści aficyjna prakamientavała prank biełaruskaha akcyjanista Uładzisłava Bochana nad rasijskimi nastaŭnikami.
Bochan ad imia «Adzinaj Rasii» daručyŭ nastaŭnikam vyrabić šapački z folhi dla abarony ad «apramianieńnia spadarožnikami NATA». Piedahohi zadańnie vykanali.
Čynoŭniki ad adukacyi ŭ telehram-kanale viedamstva nastaŭnikaŭ za heta pachvalili.
«Piedahohi ŭ čarhovy raz prademanstravali svoj patryjatyčny nastroj, vysokuju starannaść i kreatyŭny padychod da luboj zadačy («šlemy» z folhi hladziacca vielmi pierakanaŭča)», — zajavili ŭ ministerstvie.
Pry hetym čynoŭnikaŭ krychu źniervavała, što nastaŭniki nie zmahli raspaznać prank.
«Ź inšaha — viadoma, rasčaravała, što jany nie zmahli adroźnić sapraŭdnuju partyjnuju inicyjatyvu ad niedarečnaha žartu. Miarkujem, heta zbolšaha źviazana z asablivaj uvahaj da biaśpieki hramadzian u rehijonie — navat u hetym žarcie aściarožnyja piedahohi vyrašyli znajści dolu praŭdy», — havorycca ŭ paviedamleńni.
U ministerstvie adznačyli, što nastaŭnikam užo patłumačyli praviły infarmacyjnaj biaśpieki. A aŭtary najbolš udałych «šlemaŭ», jak zajaŭlajecca, vyśviatlajuć adras prankiera, kab nakiravać jamu svaje vyraby.
Čynoŭniki vykazali nadzieju, što ŭ nastaŭnikaŭ nie budzie prablem z-za vykarystańnia simvoliki «Adzinaj Rasii».
Kamientary
Byvajet.
Eto ž nie povod łomať sistiemu.
Kotoraja priekrasno rabotajet.
Dažie pooŝriť dołžny.
Nu, kak časovoho, kotoryj prapora zastrielił.
Ałhoritm to rabotajet, značit poriadok.
A znaja urovień idiotizma, kotorym po takim raznariadkam prichoditsia zanimaťsia - šapočka iz folhi voobŝie podozrienij nie vyzyvajet.