Pa zahadzie biełarusa ŭ rasijskich škołach vyrablali šapački z folhi dla abarony ad NATA
Akcyjanist Uładzisłaŭ Bochan iznoŭ razasłaŭ u škoły Rasii patrabavańnie ad imia «Adzinaj Rasii» pravieści patryjatyčnuju akcyju.
Pra svaju akcyju Bochan raspavioŭ na svaim satyryčnym jutub-kanale ByLOL.
Na hety raz «patryjoty» musili zrabić z folhi «Šlem Ajčyny» — jak simvał hatoŭnaści da abarony ad «abpramieńvańnia spadarožnikami NATA».
Na dziŭnaje patrabavańnie adhuknulisia siem škoł, siarod jakich Babroŭski adukacyjny centr «Lidar», Krykšanskaja SŠ №3, Kaładziezianskaja ZAŠ, Novavaroniežskaja ZAŠ №1, Archanhielskaja ZAŠ, a taksama Bajčuroŭskaja i Nikolskaja škoły. Dźvie apošnija navat pryciahnuli da vyrabu folhavych šapak vučniaŭ, a nastaŭnica adnoj ź ich zapatrabavała dypłom za ŭdzieł u «akcyi».
Bochan patłumačyŭ, što praciahvaje svajo daśledavańnie fašyzacyi Rasii — kali ludzi robiacca hatovyja rabić usio, što ni patrabujuć ad ich ułady.
Nahadajem, što raniej Bochan padobnym čynam prymusiŭ rasijskich nastaŭnikaŭ składać śpisy školnikaŭ dla adpraŭki ŭ łahiery na pieravychavańnie, ładzić pracesii z vyjavami Ściapana Bandery i Śviatłany Śniažko, pravodzić patryjatyčnyja akcyi pad łozunham «Adzin narod, adna nacyja, adzin praViciel» u miežach prahramy «Trud osvoboždajet» ad «Adzinaj Rasii».
Svaje akcyi Bochan nazyvaje daśledavańniem prajaŭ fašyzmu ŭ sučasnaj Rasii, jakija ŭklučajuć biezumoŭnaje padparadkavańnie načalstvu i ździajśnieńnie dziejańniaŭ dziela dziejańniaŭ.
«Dalary ź Cichanoŭskaj». Historyja nastaŭnika, jaki stavić na vušy biełaruskija i rasijskija škoły
Prankier Bochan pravioŭ novy rozyhryš, jaki biełaruskija nastaŭniki dastojna vytrymali. U adroźnieńnie ad rasijskich
Prankier, jaki pierad refierendumam dresiravaŭ biełaruskich piedahohaŭ, vyjšaŭ na rasijski prastor. I znoŭ paśpiachova
Łukašenka spadziajecca pierazapuścić adnosiny z Zachadam pry Trampie. Voś što napisaŭ pra jaho blizki paplečnik Trampa
Kamientary
Słušna zvać šostkami-prapahandystami