Stała viadoma, jak prahałasavali małdavanie, jakich zvozili z Rasii ŭ Minsk na vybarčy ŭčastak
Zaviezienyja na ŭčastak u ambasadzie ŭ Minsku małdavanie z Rasii masava prahałasavali ŭ druhim tury prezidenckich vybaraŭ za sapiernika prajeŭrapiejskaha kiraŭnika dziaržavy Mai Sandu, vynikaje z praviedzienaha «Pozirkam» analizu źviestak Centralnaj vybarčaj kamisii Małdovy za 20 kastryčnika i 3 listapada (pieršy i druhi tury).
Pradstaŭnik Partyi sacyjalistaŭ, były hienieralny prakuror, fihurant piaci kryminalnych spraŭ Alaksandr Stajanohła atrymaŭ 86,25% hałasoŭ (571), Sandu, u vyniku abranaja na druhi termin, — 13,75% (91).
U paraŭnańni ź pieršym turam jaŭka na ŭčastak u Minsku vyrasła ŭ 3,2 raza (z 205 da 664 čałaviek; kolkaść hałasoŭ za Sandu — na 4 (było 87, u adnosnym vymiareńni — 42,86%), za Stajanohła — na 506, abo ŭ 8,8 raza (było 65, abo 32,02%).
U dzień hałasavańnia ŭ druhim tury biełaruskija dziaržaŭnyja ŚMI adkryta paviedamili ab dastaŭcy na ŭčastak u Minsku hramadzian Małdovy z Kurskaj vobłaści Rasii. Palicyja Małdovy zajaviła pra pačatak rasśledavańnia faktaŭ arhanizavanaj dastaŭki vybarščykaŭ dla hałasavańnia na prezidenckich vybarach.
«Nacyjanalnyja ŭłady pravodziać rasśledavańnie i rehistrujuć dokazy ŭ suviazi ź dziejnaściu avijatranspartu z Rasii ŭ Biełaruś, Azierbajdžan i Turcyju», — havaryłasia ŭ zajavie palicyi.
Hetaje pytańnie razhladałasia na pasiadžeńni CVK Małdovy 8 listapada. Materyjały buduć pieradadzienyja ŭ Hienieralnuju prakuraturu i ŭ Hienieralny inśpiektarat palicyi.
Vyniki hałasavańnia ŭ druhim tury CVK zaćvierdziŭ 9 listapada.
Kamientary