Стала вядома, як прагаласавалі малдаване, якіх звозілі з Расіі ў Мінск на выбарчы ўчастак
Завезеныя на ўчастак у амбасадзе ў Мінску малдаване з Расіі масава прагаласавалі ў другім туры прэзідэнцкіх выбараў за саперніка праеўрапейскага кіраўніка дзяржавы Маі Санду, вынікае з праведзенага «Позіркам» аналізу звестак Цэнтральнай выбарчай камісіі Малдовы за 20 кастрычніка і 3 лістапада (першы і другі туры).
Прадстаўнік Партыі сацыялістаў, былы генеральны пракурор, фігурант пяці крымінальных спраў Аляксандр Стаяногла атрымаў 86,25% галасоў (571), Санду, у выніку абраная на другі тэрмін, — 13,75% (91).
У параўнанні з першым турам яўка на ўчастак у Мінску вырасла ў 3,2 раза (з 205 да 664 чалавек; колькасць галасоў за Санду — на 4 (было 87, у адносным вымярэнні — 42,86%), за Стаяногла — на 506, або ў 8,8 раза (было 65, або 32,02%).
У дзень галасавання ў другім туры беларускія дзяржаўныя СМІ адкрыта паведамілі аб дастаўцы на ўчастак у Мінску грамадзян Малдовы з Курскай вобласці Расіі. Паліцыя Малдовы заявіла пра пачатак расследавання фактаў арганізаванай дастаўкі выбаршчыкаў для галасавання на прэзідэнцкіх выбарах.
«Нацыянальныя ўлады праводзяць расследаванне і рэгіструюць доказы ў сувязі з дзейнасцю авіятранспарту з Расіі ў Беларусь, Азербайджан і Турцыю», — гаварылася ў заяве паліцыі.
Гэтае пытанне разглядалася на пасяджэнні ЦВК Малдовы 8 лістапада. Матэрыялы будуць перададзеныя ў Генеральную пракуратуру і ў Генеральны інспектарат паліцыі.
Вынікі галасавання ў другім туры ЦВК зацвердзіў 9 лістапада.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»5
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары