Šerah ukrainskich kanałaŭ paviedamiŭ, što padčas masiravanaha rasijskaha ŭdaru pa Ukrainie rakiety lacieli i nad Biełaruśsiu. Ale ŭ «Biełaruskaha Hajuna» inšaja infarmacyja.
Ranicaj padčas čarhovaj rakietnaj ataki pa Ukrainie šerah kanałaŭ paviedamiŭ, što kala 07:30 niekalki rakiet uvajšli ŭ Čarnihaŭskuju vobłaść Ukrainy z Homielskaj vobłaści Biełarusi.
Havorka išła pra kryłatyja rakiety Ch-101/55, jakija zapuskalisia samalotami Tu-95MS z Sarataŭskaj vobłaści Rasii i Kaśpijskaha mora.
Adnak «Biełaruski Hajun» paviedamlaje, što ni adna z kryłatych rakiet Ch-101 ranicaj nie pralatała nad Biełaruśsiu i nie zapuskałasia z terytoryi našaj krainy.
Rakiety byli łakalna zaŭvažany kala Čarnihava, i niekatoryja krynicy pamyłkova vykazali zdahadku, što zapusk abo pralot adbyvalisia nad Biełaruśsiu.
Nahadajem, ranicaj Rasija ździejśniła adzin z najbujniejšych rakietnych udaraŭ ad pačatku poŭnamaštabnaj vajny, vypuściŭšy pa Ukrainie bolš za 120 rakiet i 90 dronaŭ.
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna42
Kamientary