Lidar hurta «Bumboks» admoviŭsia ad mižnarodnaj premii, bo jaje taksama atrymała Navalnaja
Ukrainski muzyka, lidar hurta «Bumboks», a ciapier abaronca Ukrainy Andrej Chłyŭniuk admoviŭsia ad prestyžnaj premii Mahnickaha.
Chłyŭniuk u fejsbuku padziakavaŭ zasnavalnikam i žury ŭpłyvovaj mižnarodnaj premii Mahnickaha.
Pry hetym muzyka adznačyŭ, što nie moža pryniać hetuju ŭznaharodu pobač ź inšymi łaŭreatami, jakija nie vystupajuć za pastaŭku Ukrainie zachodniaj zbroi dla abarony ad ahresara.
«Jak baćka dvaich dziaciej, jakija žyvuć pad rakietnymi ŭdarami, i radavy Sił abarony Ukrainy (udarnaha padraździaleńnia BPŁA patrulnaj milicyi Chiersona), ja nie mahu atrymać hetuju ŭznaharodu razam ź inšymi łaŭreatami, jakija «nie ŭpeŭnieny» ŭ nieabchodnaści zabiaśpiečyć maju krainu zachodniaj zbrojaj, žyćciova nieabchodnaj dla adporu rasijskaj ahresii», — napisaŭ jon.
Siarod sioletnich łaŭreataŭ premii Mahnickaha - udava Alaksieja Navalnaha Julija. Jana atrymała ŭznaharodu ŭ naminacyi «Mužnaść pad ahniom». U kancy kastryčnika ŭ intervju Die Zeit Navalnaja vykazała sumnieŭ u pravilnaści pastavak Ukrainie zachodniaj zbroi, bo «bomby bjuć i pa rasiejcam».
Premija Mahnickaha była zasnavana ŭ 2015 hodzie brytanskim finansistam i aktyvistam Uiljamam Braŭderam. Jaje ŭznaharodžvajuć za žurnalisckija rasśledavańni i baraćbu za pravy čałavieka.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary