Tejłar Śvift zapłaciła 160 tysiač dalaraŭ za ŭzhadnieńnie svajho hrandyjoznaha viasiella z uładami Ńju-Jorka
Ahulnyja vydatki na viasielle mahli skłaści kala 20 miljonaŭ dalaraŭ.
Tejłar Śvift zapłaciła 160 tysiač dalaraŭ za ŭzhadnieńnie svajho hrandyjoznaha viasiella z uładami Ńju-Jorka. Pra heta raspavioŭ mer horada Zochran Mamdani, piša Bi-bi-si.
Na pres-kanfierencyi jaho spytali, ci budzie Śvift apłačvać zvyšuročnuju pracu palicejskich, jakija sačyli za biaśpiekaj padčas cyrymonii. Jak piša Variety, Mamdani raśśmiajaŭsia i skazaŭ, što jana ŭžo zapłaciła za dazvoł na praviadzieńnie viasiella.
«Suma skłała bolš za 160 000 dalaraŭ za praviadzieńnie hetaha mierapryjemstva i za miery jaho biaśpieki. Hety dazvoł, nakolki ja pamiataju, byŭ kančatkova aformleny ŭsiaho za niekalki dzion da samoha mierapryjemstva», — skazaŭ mer Ńju-Jorka.
Viasielle Śvift z hulcom u amierykanski futboł Trevisam Kiełsi śviatkavałasia na Manchetenie na praciahu dvuch dzion — 2 i 3 lipienia.
Na im prysutničała bolš za tysiaču haściej, a vakoł areny «Medysan-skvier-harden», dzie prachodziła cyrymonija, byli pierakrytyja vulicy. Usio heta zapatrabavała ŭdziełu vialikaj kolkaści palicejskich.
Kolki kaštavała samo viasielle, nie paviedamlajecca, ale amierykanski Forbes padličyŭ, što ahulnyja vydatki mahli skłaści kala 20 miljonaŭ dalaraŭ.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia28
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Ale mahła b i niešta lepšaje zrabić kab sapraŭdy uvajści ŭ historyju na ŭsie časy i zaniać śvietłuju staronku siarod śvietłych ludziej.
A možna i tak. Praz hadoŭ dziesiać i nie ŭspomniać jak tuju Brytni jakuju ŭžo niichto i nie pamiataje.