Hramadstva66

«Pretenzija nie farmalnaja i nie jurydyčnaja, heta čysta etyčnaja prablema». Alaksiej Dzikavicki raskazaŭ, jak i čamu pajšoŭ z «Biełsata»

Adzin z zasnavalnikaŭ telekanała «Biełsat» Alaksiej Dzikavicki, jaki apošnija miesiacy byŭ vykanaŭcam abaviazkaŭ jaho dyrektara, raskazaŭ Biełaruskaj asacyjacyi žurnalistaŭ pra pryčyny daterminovaha pakidańnia svajoj pasady i dalejšyja płany.

Alaksiej Dzikavicki. Fota: z sacsietak
Alaksiej Dzikavicki. Fota z sacsietak

«Mnie prapanavali ŭznačalić sajt «Biełsata», chacia jahonaja kiraŭnica lažyć u špitali»

— Vy padali kiraŭnictvu TVP zajavu ab zvalnieńni pa zhodzie bakoŭ z 22 listapada. Ci jość reakcyja?

— U dyrekcyi TVP ja atrymaŭ instrukcyi, jak pieradać svaje abaviazki. Jak tolki pieradam, spadziajusia, adrazu raźvitajemsia.

— Čamu vy vyrašyli zvolnicca z telekanała daterminova?

— Pryčyn niekalki.

Kiraŭnictva telebačańnia, strukturaj jakoha źjaŭlajecca «Biełsat», maje prava pryznačać na pasadu dyrektaraŭ asobnych kanałaŭ kaho ličyć patrebnym, a taki styl mnie padajecca mała prymalnym. Ja da takoha nie pryzvyčaiŭsia, i nie chaču, kab sa mnoj tak abychodzilisia.

Druhaja sprava, što mnie prapanavali ŭznačalić sajt «Biełsata». Ale ja hetaha rabić nie budu: jahonaja kiraŭnica spraŭlajecca sa svaimi abviazkami vielmi dobra. Zaraz jana lažyć u špitali, i jašče doŭha budzie lažać na reabilitacyi. Nie chapała tolki, kab jana viarnułasia sa špitala i ŭbačyła na svaim miescy Dzikavickaha.

I treciaje. Kali spyniaje svajo isnavańnie strukturnaja adzinka ŭ takoj vialikaj firmie, jakoj źjaŭlajecca Polskaje telebačańnie, to jaje spačatku treba likvidavać. Hetaje słova aznačaje, što struktura pavinna farmalna skončyć svajo isnavańnie, kab jana mahła stać častkaj inšaj struktury. Zrabić heta było daručana mnie. A ja nie chaču rabić hetaha navat farmalna, bo ŭsio-taki ja byŭ adnym z zasnavalnikaŭ «Biełsata», i vielmi nie chacieŭ by, kab moj podpis stajaŭ na papierach, pavodle jakich telekanał likvidujecca.

— Vy kažacie, što nie pahadžajeciesia z takim stylem pryniaćcia rašeńniaŭ. Što kankretna vas aburyła?

— Čałavieka, jaki stolki hadoŭ adpracavaŭ na kanale, navat nie papiaredzili, što takoje płanujecca, što kiraŭnikom pastaviać niekaha inšaha.

Paŭtarusia, ja nie maju ničoha suprać novaha kiraŭnika. Ale papiaredzić mianie pra płany vymahaje zvyčajnaja prystojnaść.

Aprača taho, ja b nie rabiŭ niejkija rečy — nie sustrakaŭsia b z aŭtarami, z pradziusarami i nie rabiŭ by prapanovy pa prahramach na nastupny hod. Napačatku varta było b patłumačyć mnie, što ja rabiŭ nie tak. Hetaha nie zdaryłasia. Tut pretenzija nie farmalnaja i nie jurydyčnaja, heta čysta etyčnaja prablema.

— Vy viarnuli miedal Abjadnanamu pierachodnamu kabinietu, jaki ŭznaharodziŭ vas. U čym sutnaść hetaha žestu?

— Znak, jaki ja atrymaŭ sioleta ŭ studzieni, nazyvajecca «Znak kamandnaha honaru». Tam jość słova «honar». Heta ŭznaharoda Abjadnanaha pierachodnaha kabinieta. A ludzi, datyčnyja da Kabinieta, na žal, u maim razumieńni (paŭtarusia jašče raz) zrabili nie hanarova.

Tamu ja chacieŭ viarnuć hetuju adznaku: na joj jość słova «honar», a pavodziny z taho boku takimi nie nazavieš.

«Nie vyklučaju, što pajdu z žurnalistyki»

— Vy zdajecie spravy, raźvitvajeciesia z «Biełsatam» — jakija žyćciovyja płany dalej?

— Nie viedaju pakul. Spačatku treba zdać spravy, skončyć usie farmalnaści, a potym budu hladzieć.

Nie chavaju, jość peŭnyja prapanovy, dzie ja mahu pracavać dalej.

Ale ja mušu padumać, ci varta i dalej zastavacca ŭ śfiery žurnalistyki. Mahčyma, nadyšoŭ čas zaniacca niečym inšym, ale pakul nie viedaju.

— Ale pakidańnia žurnalistyki nie vyklučajecie?

— Nie, nie vyklučaju. Mnie ŭžo stolki hadoŭ, što, kali kruta mianiać žyćcio, badaj, treba rabić heta zaraz.

— Što vam udałosia vyrašyć, a jakija prablemy daviadziecca vyrašać novaj kiraŭnicy?

— Nie viedaju, jakija prablemy daviadziecca joj vyrašać: zaležyć ad metaŭ, jakija pastavić pierad saboj novaje kiraŭnictva, ja pra ich nie viedaju.

Ja pryniaŭ kiraŭnictva telekanałam u davoli ciažkoj situacyi, u čas turbulentnaści. Tady my daviedalisia, što budziem mieć namnoha mienšy biudžet (kali raptam była zvolnienaja naša šmathadovaja kiraŭnica), treba było dapasavać vydatki telekanała da novaha biudžeta (a jon akazaŭsia prykładna na tracinu mienšy, čym płanavałasia na pačatku hoda).

Ale lubyja biudžetnyja prablemy źviazanyja najpierš z kadrami. Mnie padavałasia najvažniejšym zachavać patencyjał kanała, tamu što ja viedaju, što takoje padrychtavać prafiesijanałaŭ u televizijnaj śfiery: treba hady i hady. I kali zvalniać kadry padčas turbulentnaści, to potym, navat znajšoŭšy 100 miljonaŭ dołaraŭ, znajści ludziej budzie vielmi ciažka. Tamu ja pastaraŭsia zachavać patencyjał.

I treciaje: ja pasprabavaŭ zrabić kanał, jaki pakul što jość adzinym televizijnym i biełaruskamoŭnym, adkrytym dla inšych tvorcaŭ, kab dostup da sietki viaščańnia, da mahčymaściaŭ pradakšnu na našym kanale mieli ludzi, raniej nie źviazanyja z «Biełsatam».

Dźvie rečy ja vykanaŭ (biudžet i niezvalnieńnie supracoŭnikaŭ), a treciuju zadaču pačaŭ vykonvać. Ja pakidaju kanał z padniataj hałavoj, bo, niahledziačy ni na što, udałosia dasiahnuć takich vynikaŭ.

— Z kalektyvam užo raźvitalisia?

— Pra toje, što ja źbirajusia pajści daterminova, daviedalisia najpierš maje kalehi: ja napisaŭ pra heta va ŭnutranym kamunikatary. Ale nie dumaju, što varta pravodzić publičnyja akcyi majho sychodu. Boh daść, u chutkim časie vypušču svaju treciuju knihu, tady zaprašu svaich kaleh i kalažanak na prezientacyju — voś tam my zmožam pahavaryć pra paeziju. I tam my zmožam raźvitacca.

Kamientary6

  • Tak
    20.11.2024
    Ujavicie siabie, vialikuju častku pryśviačajecie prajektu, jakomu idejna addanyja, a paźniej vas tak vykidvajuć i jašče chočuć, kab padpisaŭ jaho "dakumient śmierci".
  • Vojtek
    20.11.2024
    [Red. vydalena]
  • Pytańniečka
    21.11.2024
    Dyk chto źliŭ infu pra Paspalitaje rušańnie?

Ciapier čytajuć

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku30

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku

Usie naviny →
Usie naviny

Biełarus raskazaŭ, jak jaho sprabavali ŭciahnuć u cieniavy biznes pa pastaŭcy luksavych aŭto z Polščy ŭ Rasiju1

Novym simvałam biełaruskaha turyzmu zrabili kvietku bulby14

U Barysavie źbirajucca vypiakać fijaletavy chleb2

Technabank pierastaje viartać hrošy pa Tax Free. Jak ciapier zabirać vaty?2

Tramp u AAN: Jeŭropa kocicca ŭ piekła, a hłabalnaje paciapleńnie — najbujniejšaje machlarstva36

Cichanoŭskaja: Ja vielmi radaja, što pasažyrskaje złučeńnie pamiž Biełaruśsiu i Polščaj adnovicca27

Ministr unutranych spraŭ Polščy padpisaŭ rasparadžeńnie ab adkryćci miažy2

U zatrymanaha ŭ Polščy taksista-špijona znajšli śpis biełarusaŭ, za jakimi jon mieŭ zadańnie sačyć2

«Minsktrans» adnaŭlaje rejsy ŭ Polšču i Hiermaniju3

bolš čytanych navin
bolš łajkanych navin

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku30

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku

Hałoŭnaje
Usie naviny →

Zaŭvaha:

 

 

 

 

Zakryć Paviedamić