U «Minsktransie» patłumačyli, čamu prajezd u stalicy dahetul nielha apłacić bankaŭskaj kartaj
U Minsku niekalki hadoŭ havorać pra nieabchodnaść uviadzieńnia apłaty prajezdu bankaŭskaj kartaj, ale pakul hetaja sistema nie pracuje. Čamu jaje zapusk buksuje?
Hienieralny dyrektar pradpryjemstva Kanstancin Hałałobaŭ u efiry ANT raskazaŭ, što dla stalicy raspracavali ŭłasnuju sistemu apłaty. Jana budzie pracavać jak anłajn, tak i afłajn.
U abodvuch sposabaŭ apłaty jość niedachopy. Kali płaciož prachodzić adrazu praź internet, to pry źniknieńni suviazi pasažyr nie zmoža zapłacić. Kali ž śpisańnie hrošaj adkłaści da adnaŭleńnia suviazi, moža vyjavicca, što na kartcy niama patrebnaj sumy, jana zabłakavanaja abo termin jaje dziejańnia skončyŭsia.
Tamu ŭ Minsku vyrašyli sumiaścić abodva varyjanty. Pavodle Hałałobava, takaja schiema atrymałasia składanaj.
Sistemu vyprabavali na aŭtobusnym i tralejbusnym maršrutach № 1. Pa vynikach hetych vyprabavańniaŭ vyznačyli, jakoje abstalavańnie patrebnaje dla jaje pracy. «Kali abstalavańnie budzie zakuplena, sistema zapracuje i zapracuje nie tolki ŭ Minsku», — zajaviŭ Hałałobaŭ.
Kamientary