U Rumynii prachodziać parłamienckija vybary. Jość pabojvańni, što prarasijskija siły mohuć zajmieć pośpiech
1 śniežnia ŭ Rumynii prachodziać parłamienckija vybary. Hramadzianie vybirajuć svaich pradstaŭnikoŭ u dvuchpałatny parłamient, jaki ŭklučaje Pałatu deputataŭ i Sienat.
Mižnarodnyja ŚMI nazyvajuć hetyja vybary «adnymi z samych važnych» u sučasnaj historyi Rumynii, piša «Radyjo Svaboda».
19 miljonaŭ hramadzian Rumynii, jakaja ŭvachodzić u Jeŭrasajuz i NATO, mohuć skarystacca svaim vybarčym pravam.
Čakajecca, što ŭltrapravyja i prarasijskija siły krainy, jakija atrymali padtrymku na prezidenckich vybarach, mohuć pieramahčy i na parłamienckich, paviedamlaje Rumynskaja słužba «Radyjo Svaboda».
Bolš za 10 000 kandydataŭ zarehistravalisia, kab zmahacca za miescy ŭ dvuchpałatnym parłamiencie — 329 miescaŭ u nižniaj pałacie deputataŭ i 136 miescaŭ u Sienacie. Siarod udzielnikaŭ vybaraŭ zarehistravanaja 31 palityčnaja partyja, aljans i 19 arhanizacyj nacyjanalnych mienšaściaŭ.
Apytańnie AtlasIntel pakazała, što ŭltrapravy, ultranacyjanalistyčny Aljans za rumynskaje adzinstva (AER) lidziruje z padtrymkaj 22,4%, trochi apiaredžvajučy kiroŭnuju Sacyjał-demakratyčnuju partyju (SDP) z 21,4%.
AER zajmaje antyzachodniuju pazicyju, staviačy pad sumnieŭ siabroŭstva Rumynii ŭ Jeŭrapiejskim sajuzie i NATO.
Dla prachodžańnia ŭ parłamient palityčnyja partyi pavinny nabrać nie mienš za 5% hałasoŭ na nacyjanalnym uzroŭni. Palityčnyja aljansy dźviuch partyj pavinny nabrać 8%, aljansy troch partyj — 9%, a aljansy čatyroch i bolš partyj — 10%.
Nahadajem, niadaŭna ŭ Rumynii prachodzili prezidenckija vybary. U druhi tur vyjšli prarasijska nastrojeny Kełyn Džardžesku i Elena Łaskoni ad libieralnaha Sajuza vyratavańnia Rumynii. Druhi tur adbudziecca 8 śniežnia.
-
Jeŭrapiejskija čynoŭniki zładzili demarš suprać ministra finansaŭ Rasii na sustrečy MVF u Banhkoku
-
Słavakija i Vienhryja admovilisia finansavać novuju pazyku Ukrainie ad ES na 2027 hod
-
Nivodzin ź siami kandydataŭ na pasadu hienieralnaha sakratara AAN nie atrymaŭ padtrymki ŭsich pastajannych členaŭ Rady biaśpieki
Kamientary