Abvinavačańnie ŭ atručvańni čaćviarych dziaciej u Krasnajarskim krai vystavili ich baćku
U vieraśni hetaha hoda ŭ Krasnajarskim krai Rasii ŭ adnoj siamji pamierli čaćviora dziaciej. Spačatku pryčynaj ich hibieli nazyvali atručeńnie praduktami ź miascovaj kramy, ale hetaja viersija nie paćvierdziłasia. Śledčy kamitet Rasii ciapier zajaviŭ, što śmierć nastupiła ŭ vyniku «vostraha atručvańnia destruktyŭnaj atrutaj (insiektycydami)». Vinavatym u śmierci dziaciej SK ličyć baćku.
Pavodle viersii śledstva, baćka zahinułych dziaciej uviečary 20 vieraśnia apracavaŭ dom insiektycydnym srodkam ad nasiakomych.
«Pry raspyleńni mužčyna nie vykanaŭ rekamiendacyi vytvorcy ab achoŭnych mierach pry apracoŭcy, praciahłym pravietryvańni pamiaškańnia i vilhotnaj uborcy pavierchniaŭ paśla apracoŭki», — havorycca ŭ pres-relizie SK Rasii. Heta pryviało da taho, što jad trapiŭ u ježu.
Ranicaj 21 vieraśnia ŭsie členy siamji «adčuli rezkaje paharšeńnie stanu zdaroŭja». U toj ža dzień u balnicy pamierła 6-hadovaja dziaŭčynka i 13-hadovy chłopčyk, na nastupny dzień — 11-hadovaja dziaŭčynka, 23 vieraśnia — 12-hadovaja dziaŭčynka.
Darosłyja — 34-hadovy mužčyna i 32-hadovaja žančyna — aprytomnieli. Pavodle ŚMI, žančyna znachodziłasia na dziaviatym miesiacy ciažarnaści.
Ciapier mužčynu pradjaŭlena abvinavačvańnie ŭ pryčynieńni śmierci pa nieaściarožnaści. Jamu abranaja miera strymańnia ŭ vyhladzie padpiski ab niavyjeździe. Jon pryznaŭ vinu, zajaŭlaje SK Rasii.
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča3
Kamientary