Śmiarotnaje atručeńnie siamji ŭ Krasnajarskim krai: vyznačana asnoŭnaja viersija
Asnoŭnaj viersijaj atručvańnia siamji ŭ Krasnajarskim krai Rasii, z-za čaho zahinuli čaćviora dziaciej i paciarpieli dvoje darosłych, stała atručeńnie dychłafosam, pra heta paviedamili ŭ prakuratury rehijonu, piša «Sputnik».
U minułuju piatnicu siamja ź vioski Čyrvonaja Sopka (u tym liku čaćviora dziaciej 6, 11, 12 i 13 hadoŭ) paviačerała nabytymi ŭ miascovaj kramie praduktami — kurycaj i pielmieniami.
Ranicaj u subotu va ŭsich členaŭ siamji źjavilisia prykmiety atručvańnia: młosnaść, vanity. Jany źviarnulisia ŭ balnicu, dzie dvoje dziaciej — šaścihadovaja dziaŭčynka i chłopčyk 13 hadoŭ — pamierli. U niadzielu pamierła treciaje dzicia — 11-hadovaja dziaŭčynka, a ŭ noč na paniadziełak — jašče adna dziaŭčynka 12 hadoŭ.
Darosłyja — 34-hadovy mužčyna i 32-hadovaja žančyna — aprytomnieli ŭ paniadziełak. Pry hetym viadoma, što žančyna znachodzicca na dzieviatym miesiacy ciažarnaści.
Jak paviedamili ŭ rehijanalnym upraŭleńni Śledčaha kamiteta, dom, u jakim pražyvała siamja, u dzień trahiedyi prachodziŭ apracoŭku dychłafosam. U hety čas dzieci znachodzilisia na vulicy. Papiarednie, nočču siamja nadychałasia taksičnymi parami dychłafosu.
«U ramkach praviedzienych ekśpiertyz uźnikła pramoje padazreńnie na atručeńnie siamji aerazolnym preparatam ad nasiakomych, jakim apracoŭvałasia pamiaškańnie doma napiaredadni. Heta ciapier asnoŭnaja viersija», — raspaviali ŭ prakuratury.
Kamientary