Biełaruskuju vycinanku ŭklučyli ŭ śpis niemateryjalnaj kulturnaj spadčyny JUNIESKA
Heta ŭžo šosty biełaruski elemient u śpisie niemateryjalnaj spadčyny čałaviectva.
Vycinanka-tradycyjnaje mastactva vyrazańnia z papiery, šyroka raspaŭsiudžanaje ŭ Biełarusi. Ramiastvo zaradziłasia jašče ŭ XVI stahodździ, ciapier jano znoŭ robicca papularnym.
Vycinanku vykarystoŭvajuć pry afarmleńni damoŭ i ofisaŭ, u dekaracyjach u teatry, a taksama ŭ karcinach i vopratcy. Bolšaść majstroŭ prytrymlivajucca tradycyjnych technik i formaŭ, vykarystoŭvajučy raznastajnyja mietady vyrazańnia — ad stvareńnia prostych simietryčnych kampazicyj nažnicami da kambinavańnia składanych elemientaŭ z dapamohaj nažnic i razca.
U biełaruskaj zajaŭcy ŭ JUNIESKA havaryłasia, što zasvajeńnie miascovych tradycyj vycinanki spryjaje farmavańniu pačućcia identyčnaści i zachavańniu narodnaj kultury. Vycinanka spryjaje dyjałohu jak unutry supolnaści ramieśnikaŭ, tak i za jaje miežami. Majstry demanstrujuć svaje zdolnaści i kreatyŭnyja techniki na roznych fiestyvalach, vystavach i kirmašach, a siemji vykarystoŭvajuć heta mastactva jak srodak tvorčaha samavyjaŭleńnia, pieradajučy praktyku z pakaleńnia ŭ pakaleńnie.
Vycinanka taksama pieradajecca praz farmalnuju i niefarmalnuju adukacyju. Jak mietad art-terapii, jana spryjaje raźvićciu drobnaj matoryki i stymuluje tvorčaje myśleńnie. Časta heta mastactva vykładajuć ludziam ź fizičnymi abo psichičnymi abmiežavańniami, što spryjaje ich reabilitacyi i tvorčamu raźvićciu.
Razhledzieŭšy zajaŭku, Mižuradavy kamitet pa achovie niemateryjalnaj kulturnaj spadčyny JUNIESKA vyrašyŭ uklučyć vycinanku ŭ śpis niemateryjalnaj kulturnaj spadčyny čałaviectva.
Heta ŭžo šosty biełaruski elemient u vialikim reprezientatyŭnym śpisie: raniej u jaho byli ŭklučanyja śviatočny kaladny abrad «Kaladnyja cary» ŭ vioscy Siemiežava Kapylskaha rajona; «Uračystaść u honar šanavańnia abraza Maci Božaj Budsłaŭskaj (Budsłaŭski fest)» u vioscy Budsłaŭ Miadzielskaha rajona; «Juraŭski karahod» u vioscy Pahost Žytkavickaha rajona; Kultura bortnictva; «Sałomaplacieńnie Biełarusi: mastactva, ramiastvo, umieńni».
«Za žyćcio zrabiła — nie pieraličyć». Užo bolš za 70 hadoŭ babula Lonia stvaraje nabožniki-vycinanki
«Vycinanki kuplajuć i amierykancy». Pahavaryli z mastačkaj, jakaja zarablaje tysiačy dalaraŭ na vyrazańni karcin z papiery
Pahladzicie, jakija šykoŭnyja vycinanki robić biełaruskaja mastačka FOTY
«Upadabałasia — i skrali». Dyzajn sukienki-vycinanki na mižnarodny konkurs pryhažości śpisali z tvora biełaruskaj majstrycy
Kamientary