U vychadnyja naziralny minčuk, hulajučy kala vadajoma ŭ parku Uručča, zrabiŭ niekalki fota. Na zdymkach vidać, jak siarod zvykłych dla nas ptušak płavaje niezvyčajnaja dla horada, bolš masiŭnaja ptuška ź biełaj šyjkaj.
«Sustreli siońnia voś takuju ptušku. Spačatku padumali, što heta huś, ale, troški, daviedalisia, što ŭ Biełarusi hniazdujecca tolki šeraja huś, hetaja zusim nie padobnaja. Ci, moža, heta huś chatniaja?»— napisaŭ śviedka.
Usie pytańni Onliner.by nakiravaŭ da arnitołaha, dyrektara Centra ekałahičnaha vychavańnia i raźvićcia Rusłana Šajkina.
U ptušcy ekśpiert raspaznaŭ chatniuju kačku. Rusłan vykazaŭ zdahadku, što jana albo źbiehła ad haspadara, albo jaje niechta vypuściŭ. Viersii, viadoma, całkam sabie praŭdapadobnyja, adnak park Uručča, dzie ŭbačyli kačku, raźmieščany pobač z šmatpaviarchovaj žyłoj zabudovaj, i bližejšyja katedžy znachodziacca adnosna dalekavata — u Kopiščy. U šmatpaviarchovikach takuju ptušku naŭrad ci chtości budzie trymać.
Što cikava, hetuju ptušku miascovyja žychary nazirali jašče miesiac tamu. Udzielniki supolnaści amataraŭ ptušak u telehram-kanale «Ciŭ-ciŭ» pisali pra heta ŭ siaredzinie listapada, zaŭvažyŭšy jaje niedaloka ad 28-j palikliniki.
— Atrymlivajecca, ad kahości źbiehła svojskaja kačka, — napisaŭ adzin z karystalnikaŭ.
— I pravilna zrabiła. Ničoha dobraha jaje tam nie čakaje, dzie jana była, — dadaŭ inšy.
Juzery vykazali zdahadku, što heta kačka parody błakitny favaryt. Jaje pradstaŭniki vielmi papularnyja siarod fiermieraŭ i adroźnivajucca praduktyŭnaściu: za siezon takaja kačka moža dać da 150 jajek.
— A ci moža takaja ptuška pieranieści zimu ŭ dzikich umovach? — udakładnili ŭ Rusłana Šajkina.
— Kali miakkaja zima i jaje pastajanna padkormlivać, moža, i vyžyła b. Ale heta lohkaja zdabyča.
Anžaliku Mielnikavu bačyli ŭ Minsku ŭ «Dana Mole»53
Kamientary
U nas kačar lotaŭ na inšy kaniec vioski ŭ prymy. Z kiłomietr niedzie.
Ach luboŭ ty luboŭ, atamnaja siła,
Majho miłaha ŭsiu noč pa siału nasiła
U sosiediej dvoje utiat podrostkov na ciełoje leto ušli žiť na riečku, a viernuliś vo dvor osieńju.