Šrajbman raskazaŭ, čamu zakryłasia jaho jutub-pieradača na «Lusterku»
Niekalki hadoŭ palityčny analityk Arciom Šrajbman adkazvaŭ na pytańni čytačoŭ i hledačoŭ «Lusterka». Siońnia jon paviedamiŭ, što vyjšła apošniaje videa prajekta «Šrajbman adkaža».
U apošnim vypusku Arciom Šrajbman razvažaŭ, ci hatovyja Zachad i Ukraina zaprasić Biełaruś za stoł pieramoŭ pa zakančeńni vajny, navošta Jeŭrasajuz tracić hrošy na hramadzianskuju supolnaść Biełarusi i ci byŭ hety hod udałym dla Alaksandra Łukašenki.
Sam palityčny analityk padziakavaŭ tym, chto hetyja hady hladzieŭ jaho videa, i asabliva tym, chto dasyłaŭ pytańni. Jon taksama dadaŭ: «Da sustrečy ŭ novych farmatach».
«Naša Niva» źviarnułasia da Arcioma z pytańniem, čamu prajekt skončyŭsia:
— Tut usio vielmi prosta. Ja mahu ščyra skazać, što ŭ kožnaha prajekta jość svoj cykł žyćcia. My viali hety prajekt z «Lusterkam» bolš za try hady. Nu i na moj pohlad, čas zakruhlacca. Pra toje, što budzie dalej, ja pakul kazać nie hatovy.
«Lusterka» ŭžo anansavała, što nie rasstajecca z analitykam — paśla Novaha hoda raskažuć pra dalejšyja płany.
Šrajbmana možna taksama pačuć u jutub-pieradačy «Hadzińničak cikaje».
Prahnoz Šrajbmana: paśla vybaraŭ represii źmienšacca
Žart ad Šrajbmana: Kali Hajdukievič pojdzie na vybary, jon voźmie situacyju ŭ svaje ruki
Šrajbman daśleduje simptomy biełaruskaści. Vychodzić novaje kino z ajčynnymi sielebryci
Šrajbman patłumačyŭ, čym lidarstva Cichanoŭskaj važnaje dla alternatyŭnaj Biełarusi
Kamientary