Ukrainiec Alaksandr Usik znoŭ pieramoh Tajsana Fjury i abaraniŭ tytuł čempijona śvietu pa boksie ŭ supierciažkaj vazie
Boj prajšoŭ u Er-Ryjadzie, stalicy Saudaŭskaj Aravii.
Adzinahałosnym rašeńniem sudździ addali pieramohu ŭkraincu — 116:112.
Papiaredni raz sustreča Usika z Fjury adbyłasia 19 maja hetaha hoda ŭ tym ža Er-Ryjadzie. Tady pieramoha dastałasia Usiku raździelnym rašeńniem sudździaŭ: 115:112, 113:114, 114:113.
Ciapierašniaja pieramoha Usika — 23-ja zapar u jahonaj prafiesijnaj karjery, 12 ź ich byli zdabytyja nakaŭtam.
Alaksandr Usik abaraniŭ tytuły čempijona Suśvietnaj baksiorskaj asacyjacyi (WBA Super), Suśvietnaj baksiorskaj arhanizacyi (WBO), Suśvietnaj baksiorskaj rady (WBC) i Mižnarodnaj baksiorskaj arhanizacyi (IBO).
Hetuju svaju pieramohu jon pryśviaciŭ svajoj maci:
«Chaču pryśviacić hetuju pieramohu svajoj matuli, jakaja šmat hadoŭ za mianie pieražyvaje i niervujecca. I ŭsim maci Ukrainy», — skazaŭ paśla boju baksior.
Pieršuju pieramohu nad Fjury Usik pryśviaciŭ baćku.
Taksama jon adrazu paśla boju zhadaŭ pra svaich synoŭ:
«Ja atrymaŭ pieramohu. Siońnia važny dzień dla mianie — maje syny atrymali pieramohu i ŭ svaich bajach pa dziudo. Jany skazali mnie: «Tata, ty nastupny». Ja adkazaŭ im: «Dobra».
Ciapier čytajuć
Čamu ŭ pačatku 20 stahodździa estoncy, litoŭcy i łatyšy stvaryli dziaržavu, a biełarusy — nie? Adkazvaje Cieraškovič9
Kamientary