Украінец Аляксандр Усік зноў перамог Тайсана Ф'юры і абараніў тытул чэмпіёна свету па боксе ў суперцяжкай вазе
Бой прайшоў у Эр-Рыядзе, сталіцы Саудаўскай Аравіі.
Адзінагалосным рашэннем суддзі аддалі перамогу ўкраінцу — 116:112.
Папярэдні раз сустрэча Усіка з Ф'юры адбылася 19 мая гэтага года ў тым жа Эр-Рыядзе. Тады перамога дасталася Усіку раздзельным рашэннем суддзяў: 115:112, 113:114, 114:113.
Цяперашняя перамога Усіка — 23-я запар у ягонай прафесійнай кар'еры, 12 з іх былі здабытыя накаўтам.
Аляксандр Усік абараніў тытулы чэмпіёна Сусветнай баксёрскай асацыяцыі (WBA Super), Сусветнай баксёрскай арганізацыі (WBO), Сусветнай баксёрскай рады (WBC) і Міжнароднай баксёрскай арганізацыі (IBO).
Гэтую сваю перамогу ён прысвяціў сваёй маці:
«Хачу прысвяціць гэтую перамогу сваёй матулі, якая шмат гадоў за мяне перажывае і нервуецца. І ўсім маці Украіны», — сказаў пасля бою баксёр.
Першую перамогу над Ф'юры Усік прысвяціў бацьку.
Таксама ён адразу пасля бою згадаў пра сваіх сыноў:
«Я атрымаў перамогу. Сёння важны дзень для мяне — мае сыны атрымалі перамогу і ў сваіх баях па дзюдо. Яны сказалі мне: «Тата, ты наступны». Я адказаў ім: «Добра».
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача17
Каментары