«Heta litaralna zryvaje dach!» Televiadučaja Lucyja Hieraščanka raspaviała pra pajezdku ŭ Indyju z synam
Lucyja Hieraščanka (mnohija pamiatajuć jaje jak Lusiu Łuščyk) była adnoj z samych paznavalnych viadučych biełaruskaha TB. Ale ŭžo niekalki hadoŭ jana nie vychodzić u efir. Ciapier jana raspaviała pra pajezdku ŭ Indyju.
Padarožničaje Hieraščanka razam sa svaim adzinym synam Andrejem. «Padarožničaju z sensam i vielmi pastarajusia apisać słovami ŭsie svaje pačućci i ŭražańni. Kali, kaniečnie, chopić słoŭ…» — napisała jana.
«Kali vy źbirajeciesia ŭ Deli, i ŭvohule ŭ Indyju, kali łaska, nie varta jechać u adzinocie i dzikunom. Tolki z hrupaj ci z pravieranym hidam i kiroŭcam», — paraiła Lucyja.
Jana dadała, što ŭ Indyi nie varta być samanadziejnym: «Heta vielmi asablivaja kraina, i adkryviecca jana nie ŭsim. Tolki takim, jak ja — tym, chto žyvie z raspaściortymi abdymkami da ŭsiaho śvietu».
«Pa-pieršaje, vy nidzie ničoha nie zrazumiejecie, hramadski transpart, movy, ježa, prosta navat maniery ŭzajemadziejańnia adzin z adnym mocna adroźnivajucca ad taho, da čaho my pryvykli. Staŭleńnie da času, da žyćcia — ad hetaha moža litaralna dach źnieści», — piša Lucyja.
Jość jašče adno. «Indyja budzie vykryvać U VAS TAKOJE, što vy pra siabie navat nie viedali, ci dobra chavali. Heta praŭda, što tut jak byccam vielmi chutka adpracoŭvajecca karma, kožny dzień doryć tabie niejkaje vyprabavańnie. Jak byccam ty štodnia zdaješ ispyt na svaju čałaviečnaść. Kali nie zdaŭ ispyt — zaŭtra čakaj novy ŭrok», — dadaje Lucyja.
Na pytańnie, ci nie baicca Lucyja padarožničać pa Indyi razam z synam, jana adkazała, što znachodzicca pad pastajannaj achovaj i pilnym supravadžeńniem.
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary
Heta apošniaje - jechać u takuju krainu.