«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana
Padčas pasiedžańnia Vyšejšaj Jeŭrazijskaj ekanamičnaj rady pamiž Alaksandram Łukašenkam i premjer-ministram Armienii Nikołam Pašynianam adbyŭsia zajmalny dyjałoh.
Videa hetaha momantu apublikavaŭ kramloŭski prapahandyst Pavieł Zarubin.
«Chaču paprasić jak staršynia: kali našym naziralnikam cikavy naš sajuz, ja paprasiŭ by ich prysutničać usio ž taki na pasiedžańniach, a nie pa televizarach nam raskazvać, jak jany buduć z nami supracoŭničać. Nikoł Vavajavič, heta vas nie datyčyć, my viedajem, što vy nie tolki pahalili baradu, ale i prychvareli krychu, tamu my ŭsprymajem vas jak novaha, maładoha — źniešnie prynamsi — člena našaha sajuza», — vykazaŭsia Łukašenka.
Pašynian jamu adkazaŭ:
«Chaču ŭdakładnić, što my nie piarečym suprać praviadzieńnia pasiedžańnia Vyšejšaj ekanamičnaj rady ŭ Minsku, ale ja chaču zahadzia skazać, što naša delehacyja voźmie ŭdzieł u pasiedžańni ŭ režymie videakanfierencyi»
«A što ŭ vas za prablemy? Daloka da Minska ci niama kamu vas padvieźci? Nu, my arhanizujem dastaŭku vašaj delehacyi, kali treba», — spračaŭsia Łukašenka.
«Alaksandr Ryhoravič, ja z hetaj nahody vystupiŭ z publičnaj zajavaj i heta zajava zastajecca ŭ sile. Ja nie dumaju, što heta pravilny farmat, kab abmiarkoŭvać hetyja pytańni. Prosta vy zakranuli pytańnie — ja pavinien byŭ adrazu zreahavać, kab nie było nijakich niedarazumieńniaŭ», — zastaŭsia na svaim Pašynian.
Łukašenka ŭ vyniku skazaŭ, što razhledzić heta pytańnie. «Moža, televizara nie budzie, kab vy dystancyjna vystupali», — zaŭvažyŭ jon.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1717
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm17
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary