Litoviec sprabavaŭ trapić u Biełaruś pa pašparcie siabra. Vyjaviłasia, heta psieŭdamiljanier, jakoha ŭ Litvie abvinavačvajuć u machlarstvie
Biełaruskija pamiežniki 29 śniežnia zatrymali litoŭca, jaki sprabavaŭ trapić u krainu pa čužym pašparcie. Miarkujecca, što jon chacieŭ źbiehčy z-pad padpiski ab niavyjeździe.
Mužčynu zatrymali ŭ punkcie propusku «Kamienny Łoh». Jon jechaŭ u Biełaruś na aŭtobusie «Vilnia — Minsk» i pradjaviŭ biełaruskim pamiežnikam čužy pašpart. Mužčyna patłumačyŭ, što nie moh vyjechać ź Litvy pa svaich dakumientach, tamu pazyčyŭ pašpart u siabra.
Litoŭca zatrymali i nakiravali ŭ IČU, jamu pahražaje štraf da 100 bazavych adzinak i departacyja pa administracyjnaj spravie, a taksama da 2 hadoŭ «chimii» pa kryminalnaj spravie.
Jak piša Delfi, mužčynu zvać Ihnas Jomantas. Na radzimie jaho padazrajuć u bujnym machlarstvie i inšych złačynstvach. Ihnasu pryznačana niekalki mier strymańnia, uklučajučy zabaronu na vyjezd z krainy.
U litoŭskaj prakuratury paćvierdzili zatrymańnie hramadzianina Litvy, jaki parušyŭ mieru strymańnia i sprabavaŭ źjechać u Biełaruś. Adnak jaho imia nazyvać nie stali. Słužba achovy miažy Litvy praviaraje infarmacyju, a advakat Jomantasa ničoha nie viedaje pra jaho zatrymańnie.
MZS Litvy paabiacaŭ akazać zatrymanamu kansulskuju dapamohu i jašče raz zaklikaŭ litoŭcaŭ nie jeździć u Biełaruś, a tym, chto znachodzicca ŭ krainie, pakinuć jaje.
Jomantas nazyvaje siabie miljanieram. Pavodle litoŭskaj presy, jon ličycca lidaram złačynnaj hrupoŭki, jakaja zajmałasia machlarstvam u śfiery budaŭnictva, uchilałasia ad padatkaŭ i naniesła škodu dziaržavie ŭ pamiery 1,2 młn jeŭra. Pa spravie prachodziać vosiem padazravanych, jakim inkryminujuć piać kryminalnych artykułaŭ, uklučajučy admyvańnie hrošaj.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza3
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary