Kiraŭnik Vieniesueły Nikałas Madura paśla vybaraŭ vydaŭ order na aryšt kandydata ad apazicyi Edmunda Hansalesa i abviaściŭ uznaharodu za jaho zatrymańnie. Zaraz byŭ vykradzieny ziać Hansalesa.
Hansales paviedamiŭ, što jaho ziać Rafael Tudares byŭ «pierachopleny mužčynami ŭ čornym adzieńni z kapiušonami», kali vioz svaich dziaciej u škołu. «Jany pasadzili jaho ŭ załaty pikap z numaram AA54E2C i zavieźli», — zajaviŭ palityk. Z tych časoŭ pra mužčynu niama nijakich navin, piša Bild.
Vykradańnie adbyłosia na nastupny dzień paśla taho, jak prezident ZŠA Džo Bajden zaprasiŭ Hansalesa, jaki žyvie ŭ vyhnańni ŭ Ispanii, na pieramovy ŭ Bieły dom. ZŠA, jak i niekalki krain Łacinskaj Amieryki, pryznajuć Hansalesa, a nie Madura, pieramožcam prezidenckich vybaraŭ 28 lipienia.
Miascovaja vybarčaja kamisija, jakaja padtrymlivaje ŭładu, abviaściła pieramožcam vybaraŭ Madura, adnak da hetaha času admaŭlajecca publikavać padrabiaznyja vyniki.
Apazicyja abvinavačvaje ŭrad u falsifikacyi vybaraŭ i zajaŭlaje pra svaju pieramohu. Pavodle danych štaba Hansalesa, u ich jość padrabiaznyja vyniki bolš čym 80% vybarčych akruh, jakija paćviardžajuć, što Hansales atrymaŭ kala 70% hałasoŭ, a Madura — tolki 30%.
Zaŭtra abodva kandydaty majuć namier prynieści prysiahu jak prezidenty. Hansales płanuje viarnucca na radzimu, niahledziačy na ordar na aryšt. U krainie znoŭ čakajucca masavyja pratesty, jakija ŭ minuły raz byli žorstka padaŭleny.
Tym časam Maryjana, dačka Hansalesa, piša ŭ X: «Siońnia maje dzieci adčujuć adsutnaść svajho baćki, jak i bolš za 2000 svajakoŭ palityčnych źniavolenych, jakija byli aryštavanyja paśla 28 lipienia i čyja adzinaja «vina» ŭ tym, što jany zastalisia viernymi svaim demakratyčnym kaštoŭnaściam».
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary