Fica prapanavaŭ Zialenskamu sustrecca i abmierkavać tranzit hazu. Toj adkazaŭ łakanična
Premjer-ministr Słavakii Robiert Fica apublikavaŭ na fejsbuku zvarot da Uładzimira Zialenskaha, u jakim zaklikaŭ jaho pravieści pieramovy pa pytańni tranzitu rasijskaha hazu. Fica prapanavaŭ pravieści sustreču na terytoryi Słavakii, pablizu miažy z Ukrainaj. Adkaz Zialenskaha nie zatrymaŭsia.
«Vaša rašeńnie spynić tranzit hazu praz Ukrainu ŭ bok Słavakii i inšych spažyŭcoŭ nanosić vielizarnuju škodu samoj Ukrainie, Słavakii i Jeŭrasajuzu», — zajaviŭ u svaim zvarocie Robiert Fica.
Zialenski ŭ adkaz na šmatsłoŭny zvarot adkazaŭ łakanična:
«Akiej. Pryjazdžaj u piatnicu ŭ Kijeŭ», — napisaŭ jon u sacsietcy Ch.
Raniej prezident Słavakii Pieter Pielehryni zajaviŭ, što admaŭlajecca jechać z aficyjnym vizitam u Kijeŭ praz toje, što Ukraina spyniła tranzit rasijskaha hazu. Akramia taho, u suviazi z prypynieńniem tranzitu hazu Fica ahučyŭ śpis pahroz na adras Kijeva, siarod jakich — prymianieńnie vieta na rašeńni ES pa Ukrainie.
Sam ža Robiert Fica padčas vystupleńnia na pasiadžeńni parłamienckaha kamiteta 10 studzienia zajaviŭ, što Uładzimir Zialenski nibyta jeździć pa Jeŭropie, kab «žabravać» i «šantažavać inšych», a Rasija słavakaŭ «nikoli nie padmanvała, u adroźnieńnie ad Ukrainy».
Polšča nie dała słavackaj delehacyi dazvoł na pralot u Maskvu. Tyja lacieli ŭ abchod
«Rasija nikoli nas nie padmanvała, u adroźnieńnie ad Ukrainy». Słavacki premjer pahardliva vykazaŭsia pra Zialenskaha i ŭkraincaŭ
Premjer Słavakii paśla pajezdki da Pucina pajechaŭ adpačyvać u šykoŭny vjetnamski hatel
Premjer Słavakii pryhraziŭ skaracić dapamohu ŭkrainskim uciekačam u adkaz na spynieńnie pastavak rasijskaha hazu
Kamientary