Nočču ŭkrainskija bieśpiłotniki atakavali Tulskuju, Sarataŭskuju, Arłoŭskuju, Rastoŭskuju vobłaści i Tatarstan
Drony masava atakavali rasijskija rehijony nočču 14 studzienia.
Spačatku drony ŭdaryli pa Tulskaj vobłaści, vybuchi prahrymieli nad horadam Aleksin. Miascovyja ŭłady paviedamili pra źniščeńnie minimum 16 BPŁA.
Tolki patušyli pažar u Enhielsie Sarataŭskaj vobłaści, jak hetaj nočču jaho znoŭ atakavali drony. Hubiernatar Sarataŭskaj vobłaści Raman Busarhin paćvierdziŭ traplańnie ŭ niejki «pramysłovy abjekt». U minuły raz, kali była atakavanaja naftabaza kambinata «Kryštal» z palivam dla avijabazy, ułady vykarystoŭvali takuju ž farmuloŭku. Drony atakavali naftabazu 8 studzienia, jaje patušyli tolki praź piać dzion.
U Enhielsie i Saratavie z-za ataki BPŁA siońnia admianili zaniatki ŭ škołach.
U pryharadzie Kazani paśla ataki BPŁA, sa słoŭ miascovych žycharoŭ, adbyłosia ŭzharańnie hazavaj cysterny, bačny mocny pažar i dym. Metaj ataki, imavierna, była baza zvadkavanych hazaŭ.
U Rastoŭskaj vobłaści siły SPA źniščyli 14 ukrainskich dronaŭ, paciarpiełych niama.
Nad Varoniežam byŭ, pavodle miascovych uładaŭ, źniščany bieśpiłotny latalny aparat, papiarednie, paciarpiełych niama.
Nad Arłoŭskaj vobłaściu źbita 17 bieśpiłotnikaŭ, paviedamiŭ hubiernatar Andrej Kłyčkoŭ. Pavodle jaho, paciarpiełych i paškodžańniaŭ niama.
Aeraporty Kazani, Kałuhi, Saratava, Tambova, Nižniakamska, Pienzy, Uljanaŭska zakryty, uviedzieny płan «Dyvan».
Uviečary ŭčora ŭkrainskija rakiety atakavali pradpryjemstvy VPK u Branskaj vobłaści, u tym liku chimzavod, jaki vypuskaje bojeprypasy.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary
Jahodkami, točnieje orieškami, možiet stať Oriešnik nad Bankovoj, jeśli tvoj Ziela dalšie prodołžit v Napoleona na dierieviannoj bieznoho łošadi ihrať .