Syrankoŭ: Lenina nielha chavać, jon pavinien być simvałam Rasii i Biełarusi
Usie razmovy pra pachavańnie Lenina inśpiravanyja «antysavietčykami z-za miažy, mnohija ź jakich źjaŭlajucca idejnymi spadčyńnikami ŭłasaŭcaŭ i kałabarantaŭ», zajaviŭ u intervju RIA «Naviny» kandydat u prezidenty Biełarusi, lidar Kamunistyčnaj partyi Biełarusi Siarhiej Syrankoŭ.
Pavodle jaho słoŭ, Lenin — heta najbolš značny ideołah sacyjalizmu i kamunizmu, a dla Biełarusi jon źjaŭlajecca zasnavalnikam dziaržaŭnaści.
Kiraŭnik biełaruskaj Kampartyi nahadaŭ, što Uładzimir Lenin i Iosif Stalin padtrymali praviadzieńnie ŭ Minsku Usiebiełaruskaha źjezdu ŭ śniežni 1917 hoda, na jakim była abvieščana patreba stvareńnia BSSR.
«Dy i dla Rasii Lenin — heta samy viadomy ŭ śviecie ruski čałaviek. Tamu liču, što Lenin, jak i jaho maŭzalej, pavinny nie tolki zastacca, ale i być simvałami Rasii, a taksama našaha biełaruska-rasijskaha sajuza», — skazaŭ Syrankoŭ.
Cieła Lenina znachodzicca ŭ prazrystym sarkafahu ŭ maŭzalei-pachavalni na Čyrvonaj płoščy kala Kramloŭskaj ściany ŭ Maskvie z 1924 hoda. Z 1953 pa 1961 hady ŭ maŭzalei taksama znachodziŭsia sarkafah ź ciełam Stalina, paśla čaho jaho pachavali.
Syrankoŭ prapanavaŭ zamianić słova «prezident» na «staršynia Respubliki Biełaruś»
Łukašenka skazaŭ, što jamu spadabaŭsia «Siaroža Syrankoŭ»
«Dzie jany pracujuć?» Kamunist Syrankoŭ budzie skardzicca ŭ prakuraturu i padatkovuju na Bondaravu i kampaniju
Kandydat u prezidenty Syrankoŭ prapanavaŭ adnavić pomniki Stalinu
Kandydat u prezidenty ad kamunistaŭ zaklikaje zabrać i padzialić majomaść apazicyjanieraŭ
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary
U Syrankova, jak i ŭ kožnaha ŭpartaha kamunista - u hałavie zaćviłaja kaša z raznastajnych mitaŭ i štampaŭ saŭkovaj prapahandy z dadatkam hihinskaha tryźnieńnia. Na źjezdie prahučaŭ zaklik «Niachaj žyvie Biełaruskaja Narodnaja Respublika!» - jaki tut BSSR?! Razmovy na kont taho chto i čaho tam padtrymaŭ pierakreślivajucca prostym faktam - źjezd byŭ razahnany mietavita balšavikami, kali im stała zrazumiełym, što maryjanietkavaha zboryšča kštałtu "UNS" tam nie atrymałasia i sprava idzie da abviaščeńnia niezaležnaści. Darečy, dakumienty na razhon padpisali Miaśnikoŭ i Łandar. Abodźva byli "naziralnikami" ad rasiejskaj mietrapolii, prystaŭlenymi da Biełarusi, nijakaha datyčeńnia da Biełarusi nia mieli i stavilisia da jaje mienavita jak da rasiejskaj kałonii.