U Jeŭrasajuzie prapanavali raźmiaścić u Hrenłandyi jeŭrapiejskija vojski
Za małaludny paŭnočny vostraŭ razharajecca sapraŭdnaja baraćba. U toj čas jak Donald Tramp praciahvaje nastojvać na nieabchodnaści atrymać Hrenłandyju dla ZŠA, samy vysokapastaŭleny vajskovy čynoŭnik Jeŭrasajuza prapanavaŭ raźmiaścić tam jeŭrapiejskich sałdat — u tym liku kab supraćstajać rostu aktyŭnaści Rasii i Kitaja ŭ Arktycy, piša The Moscow Times.
«Na moj pohlad, było b absalutna łahična nie tolki mieć u Hrenłandyi amierykanskija vojski, jak heta adbyvajecca ciapier, ale i razhledzieć mahčymaść raźmiaščeńnia tam sałdat ES, — skazaŭ niamieckaj haziecie Welt am Sonntag Robiert Bryhier, staršynia Vajskovaha kamiteta ES (heta vyšejšy vajskovy orhan Jeŭrasajuza, jaki nie maje ŭłasnaj armii; kamitet kansultuje Jeŭrapiejskuju radu). — Heta stała b mocnym sihnałam i mahło b spryjać stabilnaści ŭ rehijonie».
Hrenłandyja źjaŭlajecca zamorskaj terytoryjaj Danii, ale pry hetym nie ŭvachodzić u skład Jeŭrasajuza. U jeŭrapiejcaŭ, jak i ŭ ZŠA, jakija majuć tam vajskovuju bazu, taksama jość svaje intaresy na vostravie, skazaŭ Bryhier.
Jon zhadaŭ jahonaje stratehičnaje stanovišča i bahatyja pryrodnyja resursy. U spałučeńni z rastavańniem ildoŭ u vyniku źmieny klimatu hetyja faktary «stvarajuć peŭny patencyjał dla napružanaści ŭ adnosinach z Rasijaj i, mahčyma, Kitajem».
Tramp prapanoŭvaŭ kupić Hrenłandyju ŭ Danii jašče padčas svajho pieršaha prezidenctva. U studzieni jon admoviŭsia vyklučyć vykarystańnie vajskovaj ci ekanamičnaj siły, kab atrymać kantrol nad joj i Panamskim kanałam. Taksama prezident ZŠA pryhraziŭ Danii pošlinami «na vielmi vysokim uzroŭni», kali jana nie pahodzicca supracoŭničać u pytańni pieradačy Hrenłandyi.
Najbujniejšy vostraŭ śvietu ŭ mnohich adnosinach staŭ zajmać centralnaje miesca ŭ hieapalityčnaj i hieaekanamičnaj kankurencyi, u tym liku praź źmienu klimatu, adznačaje prafiesar Džef Dabiełka, jaki zajmajecca pytańniami ekałohii i biaśpieki ŭ Univiersitecie štata Ahaja. Zapasy redkaziamielnych mietałaŭ u Hrenłandyi Hieałahičnaja słužba ZŠA aceńvaje ŭ 1,5 młn ton; u samich Złučanych Štatach ich tolki krychu bolš — 1,8 młn ton.
U subotu Tramp zajaviŭ žurnalistam, što, na jahonuju dumku, Vašynhton usio ž taki atrymaje kantrol nad Hrenłandyjaj. «Ja dumaju, my jaje atrymajem«, — skazaŭ jon, dadaŭšy, što 57 000 žycharoŭ vostrava «chočuć być z nami».
Na samim vostravie ź im zhodnyja daloka nie ŭsie. Hrenłandcy «nie chočuć być amierykancami», zajaviŭ Mute Ehiede, premjer-ministr vostrava, jaki, budučy aŭtanomnaj terytoryjaj Danii, pravodzić samastojnuju ŭnutranuju palityku. Raniej Ehiede kazaŭ, što jahonyja žychary chočuć zdabyć poŭnuju niezaležnaść.
Premjer-ministr Danii Miete Frederyksen taksama zajaŭlała, što «Hrenłandyja nie pradajecca i nie budzie pradavacca».
Łukašenka vykazaŭsia pra zajavy Trampa ab Hrenłandyi i Kanadzie
Za pretenzijami Trampa na Panamu, Kanadu i Hrenłandyju moža chavacca tonki pieramoŭny raźlik
Čamu Tramp zahavaryŭ pra Hrenłandyju?
Tramp pierajmianoŭvaje Mieksikanski zaliŭ, ćviorda namierany viarnuć Panamski kanał i «razumieje pačućci Rasii»
Danija ŭzmacniaje abaronu Hrenłandyi. Tramp niadaŭna znoŭ zahavaryŭ pra žadańnie nabyć jaje
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary
To jesť, ultimatumy k NATO pojaviliś nie prosto tak, eto był davno podhotovlennyj i vyvieriennyj šah, časť bolšich płanov, sozrievšich i hotovych, kak i napadienije na Ukrainu... Momient był rassčitan i vybran pravilnyj.
Stanovitsia poniatno, na skolko silno Ukraina isportiła ihru Kriemlu, sputała vsie karty, raskryła vsie kozyri Putina, i kakije ohromnyje stavki byli sdiełany kriemlovskimi rievanšistami.
I, čto važno, v Kriemle nikto nie otkazyvajetsia ot postavlennych cielej, a na Zapadie nikto nie obiespokojen vsieŕjoz, kak minimum, tam niet ponimanija opasnosti, niet słažiennosti, niet płanirovanija sovmiestnych diejstvij v otviet, nie opriedieleny prioritiety. Tam prodołžajetsia pohružienije v chaos, potieria kontrola nad situacijej, nieponimanije riealnosti, čiort-tie čto...