Premjer-ministr Danii Miete Frederyksen u adkaz na słovy abranaha prezidenta ZŠA Donalda Trampa pra Hrenłandyju zajaviła, što Vašynhton źjaŭlajecca «samym važnym i najbližejšym sajuźnikam Danii». Pra heta jana skazała TV 2.
Pavodle słoŭ Frederyksen, jana nie ličyć, što Złučanyja Štaty buduć vykarystoŭvać vajennuju ci ekanamičnuju moc, kab damahčysia kantrolu nad Hrenłandyjaj. «Ja nie mahu ŭjavić sabie, što my akažamsia ŭ takoj situacyi», — skazała premjer.
Kiraŭnik urada padkreśliła, što nie choča handlovaj vajny sa ZŠA. «Ja dumaju, što my pavinny praciahvać razmaŭlać adno z adnym i rabić heta naležnym čynam», — adznačyła jana.
Pavodle jaje słoŭ, toje, što ŭ ZŠA raście cikavaść da Hrenłandyi, — heta dobra, ale heta pavinna adbyvacca z pavahaj da žycharoŭ vostrava.
Tramp prapanavaŭ Danii sastupić Hrenłandyju. «U vas tam kala 45 000 čałaviek. Ludzi navat nie viedajuć, ci jość u Danii zakonnyja pravy na Hrenłandyju, ale kali jany jość, to Danija pavinna admovicca ad ich, bo Hrenłandyja patrebnaja nam dla zabieśpiačeńnia nacyjanalnaj biaśpieki», — zajaviŭ jon žurnalistam u svajoj rezidencyi ŭ Mar-a-Łaha.
Respublikaniec pryhraziŭ uvieści pošliny suprać Danii, kali taja budzie pieraškadžać niezaležnaści Hrenłandyi ci jaje dałučeńniu da ZŠA.
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary
hučyć, jak - ćchu, jakaja miełač
Kali surjozna, usio heta sumna. Adkaz premjera Danii na plavuzhańni Trampa vielmi hodny (ale tolki hodnaści ŭ sučasnych umovach niedastatkova, na žal).