Čynoŭniki spynili raboty paśla vyjaŭleńnia starych nadmahillaŭ, ale admaŭlajuć, što tranšeja prajšła praz histaryčnyja mohiłki.
Na dniach u tranšei, prarytaj uzdoŭž Kalektarnaj vulicy, było vyjaŭlena mnostva nadmahillaŭ i frahmienty ŭvachodnaj bramy jaŭrejskich mohiłak, źniesienych za savieckim časam. Raboty źviazvajuć z maštabnaj rekanstrukcyjaj Histaryčnaj majsterni Leanida Levina pa inšy bok vulicy.
Dziaržaŭnaje vydańnie «Minsk-Naviny» źviarnułasia pa kamientar da administracyi Maskoŭskaha rajona. Tam adkazali, što jak tolki rabočyja znajšli nadmahilli, jany zaprasili archieołahaŭ Instytuta historyi NAN Biełarusi. Pra znachodki taksama było paviedamlena jaŭrejskaj abščynie.
Adnak, miarkujučy pa fotazdymkach ź miesca, čynoŭniki zmaŭčali, što paśla vyjaŭleńnia nadmahillaŭ ziemlanyja raboty, jak taho patrabuje zakanadaŭstva, nie byli spynieny.
Heta paćviardžaje toj fakt, što frahmienty kolišniaj bramy, jakija, u adroźnieńnie ad nadmahillaŭ, nie byli vyniatyja z raskopu, znachodziacca ŭ vierchnich płastach ziamli, ale sama tranšeja značna hłybiejšaja, a pa jaje dnie ŭžo prakładziena truba. Heta śviedčyć pra toje, što kali archieałahičnyja abjekty byli vyjaŭleny, rabočyja dastali nadmahilli, jakija im zaminali, i praciahnuli svaju pracu da vyznačanaj prajektam hłybini.
U administracyi Maskoŭskaha rajona ŭdakładnili, što raboty arhanizavany nie na terytoryi byłych mohiłak, a ŭzdoŭž jaje miažy, choć nijakaj miažy ŭ natury, viadoma, nie isnuje.
Budaŭniki tolki pa ščaślivaj vypadkovaści nie patrapili na pachavańni — čałaviečyja astanki ŭ čas rabot nie znojdzieny, choć vidavočca, ź jakim hutaryŭ «Anłajnier», śćviardžaje, što bačyŭ kostki, jakija, jak jon miarkuje, zabrali na ekśpiertyzu.
Ciapier usie raboty na mohiłkach prypynieny pakul śpiecyjalisty ź Instytuta historyi NAN Biełarusi vyznačajuć pieralik daśledavańniaŭ vyjaŭlenych abjektaŭ i mahčymaść ich adniasieńnia da historyka-kulturnych kaštoŭnaściej. Paśla vyśviatleńnia kaštoŭnaści znachodak, jak śćviardžajuć čynoŭniki, vyznačać miesca, dzie jany buduć zachoŭvacca ci ekspanavacca.
«Naša Niva» — bastyjon biełaruščyny
PADTRYMAĆU Minsku praź jaŭrejskija mohiłki prakłali tranšeju. Ź ziamli vyciahnuli mnostva nadmahillaŭ
Z Rasii pryjechała vykryvać «mif pra Kurapaty» historyk, jakaja pierapisvaje historyju Katynskaha rasstrełu na karyść čekistaŭ
U Žyrovicach staviać novyja pazałočanyja ikanastasy ŭ ruskim styli. Baročny ikanastas carkoŭniki śpisali ŭ muziej
Navukoŭcy raskazali pra składanaści i pravakacyi pry restaŭracyi najstarejšaha chrama Biełarusi
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie1
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary