«Jana čakała miljardera, a atrymała miljaniera». Miehan rasčaravanaja ŭ pryncy Hary
Miehan i Hary pažanilisia ŭ 2018 hodzie. Kali Miehan paznajomiłasia z pryncam, u jaje, vidavočna, byli vielmi «amierykanskija» ŭjaŭleńni pra siamju Hary: zamki, bali i biaźmiežnaje bahaćcie. «Jana čakała miljardera, a atrymała miljaniera», — skazaŭ adzin z členaŭ karaleŭskaj siamji žurnalistam, piša BILD.
Mara pra žyćcio pryncesy pavaliłasia nieŭzabavie paśla viasiella.
«Kali Miehan daviedałasia, što Hary kaštuje «ŭsiaho tolki» kala 20 miljonaŭ funtaŭ sterlinhaŭ, jana zrazumieła, što pavinna pierahledzieć svaje zdahadki ab novaj siamji», — napisała Times.
Da taho ž, vierahodna, jaje muž nie zmoh rastłumačyć joj, nakolki patrabavalnaja jaho siamja.
Vialikaje rasčaravańnie kalifarnijskaj aktrysy dla karaleŭskaj siamji było sakretam pališyniela. «Ni dla kaho ŭ pałacy heta nie siurpryz. Miehan mieła zusim niapravilnaje ŭjaŭleńnie pra toje, jak Hary žyvie…», — paćvierdziŭ BILD adzin ź insajderaŭ.
Svaju niezadavolenaść Miehan spahaniała na supracoŭnikach pałaca, za što tyja prazvali jaje «składanaj hiercahiniaj».
«Miehan chacieła atrymać cudoŭnaha miljardera prynca, kab jaje słavili i abchodžvali jak pryncesu. Ale jana chutka zrazumieła, što karaleŭskaje žyćcio patrabuje šmat ciažkaj pracy i dyscypliny», — kaža insajdar. Jon pierakanany, što mienavita zrujnavanyja nadziei stali pryčynaj taho, što Miehan tak chutka spłanavała svoj pierajezd u Kaliforniju.
Aficyjna jana i Hary ŭsio jašče para, ale ŭ studzieni amierykanskija ŚMI paviedamlali ab mahčymym chutkim razvodzie.
U karaleŭskim pałacy hetyja paviedamleńni čytajuć z radaściu: «My nikoli nie čytali ranišnich haziet tak šmat i nie atrymlivali ad ich takoha zadavalnieńnia. Nikomu nie padabajecca Miehan», — skazaŭ insajdar z pałaca ź blaskam u vačach, piša vydańnie.
Kamientary