Łukašenka prapanavaŭ stvaryć u Biełarusi «centry pryciahnieńnia» dla ŭsich kanfiesij
Alaksandr Łukašenka prapanavaŭ stvaryć u krainie centry pryciahnieńnia dla ŭsich relihijnych kanfiesij. Pra heta jon zajaviŭ 10 lutaha na sustrečy z pradstaŭnikami relihijnych kanfiesij. Łukašenka skazaŭ, što heta «tema, jakaja apošnim časam jaho chvaluje i jakoj jon žyvie».
«I jašče adna tema, jakaja apošnim časam mianie chvaluje i jakoj ja žyvu, kali dumaju ab našym relihijnym raźvićci, mižkanfiesijnym raźvićci. Vy viedajecie, što my sioleta, ja dumaju, skončym pryvodzić u paradak našu pravasłaŭnuju śviatyniu — Žyrovicki manastyr, chramy, pasieliščy. Ja chacieŭ by, kab heta było vydatnym centram pravasłaŭja.
U suviazi z hetym ja prapanuju (i abiacaju, kali vy prymicie rašeńnie): my pavinny našym relihijam, jakija ŭ nas isnujuć, stvaryć adpaviednyja centry», — skazaŭ Alaksandr Łukašenka.
Pavodle jaho, heta pavinny być prastornyja i dastupnyja dla viernikaŭ śviatyni. Łukašenka dadaŭ, što dziaržava «padstavić plačo inšym kanfiesijam sapraŭdy hetak ža, jak i pravasłaŭnaj carkvie». «My abaviazkova dapamožam», — zajaviŭ jon.
Miž tym, z 25 vieraśnia 2022 hoda ŭ Minsku zakryty kaścioł śviatoha Symona i śviatoj Aleny, dzie nibyta zdaryŭsia pažar. Ad začynienaha Čyrvonaha kaścioła patrabujuć amal 150 tysiač rubloŭ, stała viadoma ŭ śniežni.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary