«Pierśpiektyvy Alaksandra Hienrychaviča byli b bliskučymi, kali b nie 2020 hod. Ciapier jość adyjozny flor sapsavanaj reputacyi», — raskazvaje ŭ analityčnym vypusku TOK ekanamičnaja ahladalnica Volha Łojka.
«Kali jon pierachodziŭ ź pieršaha vice-premjera na [Minskuju] vobłaść, zdavałasia, što heta niejki etap da nastupnaha niečaha važnaha. Takoje pryziamleńnie na čas, kab potym z vobłaści padniacca niekudy. Tym bolš patencyjał u Alaksandra Hienrychaviča byŭ vydatny», — zaŭvažaje Volha Łojka nakont staršyni Minskaha abłvykankamu Alaksandra Turčyna.
«Zamiežnyja inviestary ŭ Minskuju vobłaść rvalisia ŭsie. Navat tyja, chto ŭžo byŭ u inšych abłaściach, jany prosty prasilisia: «Słuchajcie, a možna my hetuju vytvorčaść da vas [pieraniasiem]?» Bo ŭsio ž taki ŭ inviestycyjnych prajektach vielmi važna adekvatnaja kamunikacyja, adekvatnaje kiraŭnictva. I pierśpiektyvy Alaksandra Hienrychaviča byli zusim bliskučymi, kali b nie 2020 hod. Ale, na žal, atrymałasia jak atrymałasia. Jon patrapiŭ pad sankcyi ŭ adzin ź pieršych pakietaŭ. (…) Ciapier jość adyjozny flor sapsavanaj reputacyi», — davodzić analityk.
Jak zaŭvažaje Łojka, nie spryjaje reputacyi Turčyna jak kiraŭnika i toje, jakija materyjały drukuje abłasnaja hazieta «Minskaja praŭda»:
«Jość prablemy abjektyŭnyja, jość sankcyi, jość tvaja piersona pad sankcyjami, ale toje, što, dapuścim, robić chołdynh «Minskaja praŭda», heta vychodzić za miežy niejkaj abaviazkovaj prahramy. Apublikavać hidkuju karykaturu z ksiandzami, kab potym Turčyn jechaŭ prasić prabačeńnia pierad katalickaj carkvoj. Ja razumieju, što heta eksces vykanaŭcy. Navošta ž vy nabrali takich vykanaŭcaŭ?»
Łojka adznačaje, što Turčyn, na jaje pohlad, dobry kandydat na rolu premjer-ministra. I sama jana ŭ 2019 hodzie «ŭsiudy biehała» ź idejaj «vybirajcie pamiž Krutym i Turčynym, pryčym na karyść Alaksandra Hienrychaviča», bo «jon bolš vopytny čałaviek, jon bolš starejšy, jon bolš salidny». Na toj momant, jak zaŭvažaje analityk, «zdavałasia, što heta dobraja ideja».
«Ja, viadoma, spadziavałasia, što Alaksandr Hienrychavič pojdzie inšaj trajektoryjaj, ale ja tak razumieju, što sam jon u pierajemniki nie vielmi rviecca i nie bačyć siabie ŭ hetaj jakaści», — davodzić analityk.
Kiraŭnik Minščyny prapanavaŭ častku pakojaŭ u haścinicach Minskaj vobłaści pieraabstalavać u arendnaje žyllo
U Niaśvižy susiedzi nie padzialili piešachodnuju darožku. Daviałosia raźbiracca staršyni vykankama
Kiraŭnik Minščyny Turčyn raspavioŭ dzieciam, kali zarabiŭ pieršyja hrošy. I jaki pradmiet lubiŭ u škole
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu7
Kamientary