38-hadovy Kruty staŭ pieršym vice-premjeram, 44-hadovy Turčyn — kiraŭnikom Minskaj vobłaści
Ministr ekanomiki Dźmitryj Kruty pryznačany pieršym vice-premjeram.
Alaksandr Turčyn, jaki raniej zajmaŭ hetu pasadu, uznačaliŭ Minskuju vobłaść.
Na dumku Łukašenki, Alaksandra Turčyna čas vyvodzić na samastojnuju pracu, kab «surjozna na jaho pahladzieć i pravieryć u spravie».
«Ja dumaju, vy prapanujecie kandydaturu dobraha ministra, jaki budzie patryjotam Biełarusi, budzie hodna vieści dyjałoh nie tolki na Uschodzie, ale i na Zachadzie. Darožnyja karty (z Rasijaj) pakul zastanucca za im, budziem tut dapamahać, nakolki treba. Apora, padtrymka budzie narmalnaj. Nam nie treba zaraz mianiać kiraŭnika našaj hrupy, tym bolš niašmat zastałosia: litaralna niekalki dzion da zakančeńnia hetaj pracy. Potym, kali budzie treba i kali hrupy zachavajuć pracu, ministr spakojna zamieścić hetuju pasadu», — vykazaŭsia Łukašenka pra Krutoha.
Papiaredni kiraŭnik Minščyny Anatol Isačanka syšoŭ pa stanie zdaroŭja — kažuć, u jaho ankałohija. Pa słovach Łukašenki, jon budzie «adkaznym za Minskuju vobłaść».
Chto zojmie vyzvalenuju pasadu ministra ekanomiki, pakul nieviadoma.
Dźmitryj Kruty
Naradziŭsia ŭ 1981 hodzie ŭ Białyničach. Dziacinstva pravioŭ u Kličavie.
Skončyŭ Biełaruski dziaržaŭny technałahičny ŭniviersitet (2003), Akademiju kiravańnia (2010).
U 2004—2006 — ekanamist u Ministerstvie lasnoj haspadarki. U 2006—2014 pracavaŭ va ŭpraŭleńni lasnoha kompleksu Ministerstva ekanomiki. U 2014—2018 — namieśnik, paśla pieršy namieśnik ministra ekanomiki.
U 2018-2019 — ministr ekanomiki.
Alaksandr Turčyn
Naradziŭsia ŭ 1975 hodzie ŭ Navahrudku. Skončyŭ Biełaruski dziaržaŭny ekanamičny ŭniviersitet (2002), Akademiju kiravańnia (2009).
Pracavaŭ zahadčykam kramy ŭ Navahrudskim rajonie, padatkovym inśpiektaram u Navahrudskim rajonie, hałoŭnym kantraloram-revizoram Ministerstva finansaŭ pa Navahrudskim rajonie i Hrodzienskaj vobłaści.
U 2004—2010 hadach pracavaŭ spačatku načalnikam finansavaha adździeła, a zatym namieśnikam staršyni Karelickaha rajvykankama. U 2010—2012 — staršynia kamiteta pa ekanomicy Minskaha abłvykankama, u 2012-2015 — namieśnik staršyni Minskaha abłvykankama. U 2015—2016 — pamočnik prezidenta pa Homielskaj vobłaści. U 2016—2018 — kiraŭnik Aparatu Savieta ministraŭ.
U 2018—2019 — pieršy vice-premjer.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi19
Kamientary