Kiraŭnik Minščyny Turčyn raspavioŭ dzieciam, kali zarabiŭ pieršyja hrošy. I jaki pradmiet lubiŭ u škole
Staršynia Minabłvykankama Alaksandr Turčyn parazmaŭlaŭ siońnia ź pieramožcami konkursu «Vučań hoda Minskaj vobłaści — 2019». Sustreča sa školnikami 8-11-ch kłasaŭ prajšła ŭ farmacie pres-kanfierencyi, piša BiełTA.
Turčyn pryznaŭsia, što ŭ škole bolš za ŭsio lubiŭ vyvučać chimiju, a voś ałhiebra pryniesła jamu adzinuju čaćviorku ŭ atestat, z-za jakoj jon skončyŭ škołu ź siarebranym miedalom. Jašče zachaplaŭsia baskietbołam, hety vid sportu bolš za ŭsio lubić i ciapier.
Alaksandr Turčyn raspavioŭ i pra svaje pieršaje pracoŭnaje miesca: u 14 hadoŭ uładkavaŭsia na pradpryjemstva, dzie vypuskali aŭtamabilnyja filtry. «Ich treba było pakavać u pramaślennuju papieru — heta rypieńnie zhadvaju i ciapier», — dadaŭ jon.
Svaim devizam pa žyćci staršynia Minabłvykankama nazvaŭ vykazvańnie Fierdynanda Porše: «Kali chočaš zrabić niešta dobra, zrabi heta sam». Tamu pośpiechu jamu dapamahaje damahčysia luboŭ da svajoj spravy i vialikaja achvota pracavać.
Školnikaŭ ździviŭ napružany hrafik hubiernatara: pracoŭny dzień pačynajecca ŭ 7.40, a zaviaršajecca ŭ rajonie 20.00, pry hetym subota nie adnosicca da liku vychodnych.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary